Azərbaycan və Türkiyə iş adamlarının iştirakı ilə yeni əməkdaşlıq imkanları nəzərdən keçirilib.
Ölkəmizdə səfərdə olan Türkiyənin İskəndərun Ticarət və Sənaye Palatası ilə Kiçik və Orta Biznesin İnkişafı Agentliyinin (KOBİA) və Azərbaycan Sahibkarlar (İşəgötürənlər) Təşkilatları Milli Konfederasiyasının nümayəndələri arasında görüş keçirilib.
“Bakı KOB evi”ndə təşkil olunan görüşdə Azərbaycan və Türkiyə iş adamları arasında biznes və ticarət sahəsində əməkdaşlıq, qarşılıqlı investisiya qoyuluşu imkanları, işgüzar dairələr arasında əlaqələrin genişləndirilməsi, eləcə də bu sahədə KOBİA, ASK və palatanın dəstəyi müzakirə edilib. Eyni zamanda görüşdə biznes missiyaların təşkilinin hər iki ölkənin biznes və investisiya mühiti ilə tanışlıq və əməkdaşlıq imkanlarının müzakirəsi baxımından əhəmiyyətli olduğu vurğulanıb, belə görüşlərin təşkilinin intensivləşdirilməsi qeyd edilib.
Qonaqlar “Bakı KOB evi”nin fəaliyyəti, burada sahibkarlara göstərilən xidmətlərlə də tanış olublar.
Powered by Froala Editor
