![KOBİA və Böyük Britaniyanın Azərbaycandakı Ticarət və Sənaye Palatası arasında əməkdaşlıq imkanları müzakirə edilib](https://smb.gov.az/storage/3988/1.jpg)
Xarici iş adamlarının ölkəmizdəki fəaliyyətinin əlaqələndirilməsi, yerli KOB-larla əməkdaşlıqlarının inkişafı və birgə biznes təşəbbüslərinin reallaşdırılması istiqamətində Kiçik və Orta Biznesin İnkişafı Agentliyi (KOBİA) ticarət və sənaye palataları ilə sıx əməkdaşlıq edir.
Martın 18-də KOBİA-nın İdarə Heyətinin sədri Orxan Məmmədov Böyük Britaniyanın Azərbaycandakı Ticarət və Sənaye Palatasının nümayəndəsi Con Patterson ilə görüşüb. Görüşdə Azərbaycan və Böyük Britaniyanın biznes subyektləri arasında əməkdaşlıq perspektivlərinə, hər iki ölkənin sahibkarlarının iştirakı ilə birgə təşəbbüslərə və investisiya qoyuluşu imkanlarına dair fikir mübadiləsi aparılıb.
Powered by Froala Editor