KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

Sahibkarların mikro, kiçik, orta və ya iri sahibkar kimi müəyyənləşdirilməsi üçün hansı meyar əsas götürülür? Bu ilin birinci yarısında KOB evlərində sahibkarlara 200 mindən çox xidmət göstərilib KOBİA nümayəndələrinin İspaniyaya səfəri çərçivəsində bir sıra görüşlər keçirilib Yerli bizneslər ESG və “yaşıl gündəliyə” hazır olmaq üçün nə etməlidir? Mindən çox KOB subyekti, startap və biznesə başlamaq istəyən şəxsə sahibkarlıq sahəsində təlim və məsləhət xidməti göstərilib “Startap” şəhadətnaməsi kimlərə verilir? Bursa Ticarət və Sənaye Palatasının nümayəndələri ilə görüş keçirilib Daha 10 KOB subyektinə “Startap” şəhadətnaməsi verilib KOB-lar üçün yaşıl iqlim maliyyələşdirilməsinə dair iki günlük seminar keçirilib “Qarabağ KOB-ları 2024” proqramına başlanıb

KOBİA və Caspian European Club onlayn "B2G" Forum təşkil edib 23.04.20

Aprelin 22-də Bakıda Azərbaycan Respublikasının Kiçik və Orta Biznesin İnkişafı Agentliyinin (KOBİA) dəstəyi ilə "Caspian European Club" tərəfindən “Kiçik və orta sahibkarlığa dəstək” mövzusunda onlayn “B2G” forum keçirilib. İlk dəfə olaraq təşkil olunmuş onlayn forumda koronavirus (COVID-19) pandemiyası dövründə sahibkarların üzləşdikləri çətinliklər və onlara göstərilən dövlət dəstəyi müzakirə olunub.

Onlayn tədbirə dövlət və özəl şirkətlərin top-menecerləri, bir sıra beynəlxalq təşkilatların və aparıcı kütləvi informasiya vasitələrinin nümayəndələri qatılıb.

Forumda KOBİA sədrinin birinci müavini Natıq Həsənov pandemiyadan zərər çəkmiş sahibkarlıq subyektlərinə, o cümlədən kiçik və orta sahibkarlara göstərilən maliyyə dəstəyi, eləcə də nəzərdə tutulan yeni dəstək mexanizmləri barədə məlumat verib, sahibkarların suallarını cavablandırıb.

"Caspian European Club"un sədri və baş icraçı direktoru Telman Əliyev çıxışında Azərbaycan Respublikasının Prezidenti cənab İlham Əliyevin tapşırıqlarına uyğun olaraq, koronavirus pandemiyası dövründə sahibkarlara maksimum dərəcədə dəstək verən hökumətin iqtisadi blokunun fəal mövqeyini vurğulayıb.

Qeyd edək ki, "Caspian European Club"un hər ay Azərbaycan, Gürcüstan və Qazaxıstanda təşkil etdiyi “B2G” forumları dövlət və özəl sektor arasında dialoq vasitəsi olmaqla yanaşı, həmçinin Xəzər-Qara dəniz və Baltik regionu şirkətlərinin top-menecerləri və nümayəndələri ilə beynəlxalq biznes-netvorkinq üçün əlavə imkanlar yaradır. “B2G” forumlar hər həftə onlayn rejimdə keçiriləcəkdir.