KOBİA və Çexiyanın “A-Z Czech Engineering” şirkəti arasında imzalanan Niyyət Protokolu ölkəmizdə alternativ enerjidən istifadədə maraqlı olan tərəflər arasında əlaqələndirməni, bu sahədə təlim və təşviqat tədbirlərinin təşkilini, müvafiq sahəyə investisiyaların cəlb edilməsini nəzərdə tutur. 

Kiçik və Orta Biznesin İnkişafı Agentliyi (KOBİA) və Çexiyanın “A-Z Czech Engineering” şirkəti arasında Niyyət Protokolu imzalanıb. Sənədi KOBİA-nın İdarə Heyətinin sədri Orxan Məmmədov və “A-Z Czech Engineering” şirkətinin təsisçisi Milan Pavlicek imzalayıblar. 

Niyyət Protokolu ölkəmizdə alternativ enerjidən istifadədə maraqlı olan tərəflər arasında müvafiq əlaqələndirmə işlərinin aparılması, bu sahədə təlim və təşviqat tədbirlərinin təşkili, Azərbaycanda alternativ enerji sahəsinə investisiyaların və müasir texnologiyaların cəlb edilməsi və müvafiq layihələrdə iştirak üzrə əməkdaşlığı nəzərdə tutur. 

Tədbir çərçivəsində KOBİA-nın İdarə Heyətinin sədri Orxan Məmmədov və “A-Z Czech Engineering” şirkətinin təsisçisi Milan Pavlicek arasında ikitərəfli görüş də keçirilib. Görüşdə müvafiq sənəddən irəli gələn məsələlərin icrası, əməkdaşlıq imkanları müzakirə edilib. 

Powered by Froala Editor