Martın 4-də Rusiya Federasiyasının Rostov vilayətinin qubernatoru Vasili Qolubevin başçılıq etdiyi nümayəndə heyətinin ölkəmizə səfəri çərçivəsində Azərbaycan və Rostov vilayəti arasında ticari-iqtisadi və mədəni-humanitar əməkdaşlığın inkişafına dair biznes forum keçirilib.
Biznes forumda Azərbaycan Respublikasının Kiçik və Orta Biznesin İnkişafı Agentliyi (KOBİA) və Rostov vilayətinin İxraca Dəstək Mərkəzi arasında əməkdaşlığa dair Anlaşma Memorandumu imzalanıb.
Sənədə əsasən tərəflər sahibkarlıq sahəsində təlim proqramlarının həyata keçirilməsi, ixracyönümlü KOB-ların dəstəklənməsi üçün müxtəlif tədbirlərin təşkili, turizm, logistika, ticarət, xidmət, kənd təsərrüfatı, sənaye, tikinti, İKT sahələrində birgə layihələrin reallaşdırılması və s. sahələrdə əməkdaşlıq edəcəklər.
Powered by Froala Editor
