KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

Sahibkarların mikro, kiçik, orta və ya iri sahibkar kimi müəyyənləşdirilməsi üçün hansı meyar əsas götürülür? Bu ilin birinci yarısında KOB evlərində sahibkarlara 200 mindən çox xidmət göstərilib KOBİA nümayəndələrinin İspaniyaya səfəri çərçivəsində bir sıra görüşlər keçirilib Yerli bizneslər ESG və “yaşıl gündəliyə” hazır olmaq üçün nə etməlidir? Mindən çox KOB subyekti, startap və biznesə başlamaq istəyən şəxsə sahibkarlıq sahəsində təlim və məsləhət xidməti göstərilib “Startap” şəhadətnaməsi kimlərə verilir? Bursa Ticarət və Sənaye Palatasının nümayəndələri ilə görüş keçirilib Daha 10 KOB subyektinə “Startap” şəhadətnaməsi verilib KOB-lar üçün yaşıl iqlim maliyyələşdirilməsinə dair iki günlük seminar keçirilib “Qarabağ KOB-ları 2024” proqramına başlanıb

KOBİA “World Net Summit”də təmsil olunub 13.05.20

“World Net Summit” onlayn konfransı çərçivəsində “Government Address” tədbiri keçirilib.

Onlayn tədbirdə Azərbaycan Respublikasının Nəqliyyat, Rabitə və Yüksək Texnologiyalar nazirinin müavini Elmir Vəlizadə, Litvanın Maliyyə naziri Vilius Sapko, Kiçik və Orta Biznesin İnkişafı Agentliyinin İdarə Heyətinin sədri Orxan Məmmədov, BP-nin Azərbaycan, Gürcüstan və Türkiyə regionları üzrə əlaqələr, xarici işlər və strategiya üzrə vitse-prezidenti Bəxtiyar Aslanbəyli, Elektron Hökumətin İnkişafı Mərkəzinin direktoru Fariz Cəfərov çıxış ediblər.

KOBİA-nın İdarə Heyətinin sədri Orxan Məmmədov çıxışında Agentliyin başlıca fəaliyyət istiqamətlərindən birinin KOB-ların bilik və texnologiyalara çıxışının təmin edilməsi olduğunu bildirib, bu istiqamətdə KOBİA-nın təşəbbüs və dəstək mexanizmləri, o cümlədən KOB İnkişaf Mərkəzləri, yaradılmaqda olan e-KOB evi portalı, startap şəhadətnaməsi barədə məlumat verib. Orxan Məmmədov çıxışında pandemiyadan zərər çəkmiş KOB-lara göstərilən dövlətin maliyyə-iqtisadi dəstəyi barədə də danışıb.

Tədbir “Facebook" və "Youtube" sosial şəbəkələri üzərindən birbaşa yayımlanıb.

“World Net Summit” onlayn konfransı Azərbaycan Respublikasının Nəqliyyat, Rabitə və Yüksək Texnologiyalar Nazirliyinin, BMT-nin İnkişaf Proqramının, “SUP VC” və İnnoland İnkubasiya və Akselerasiya Mərkəzinin dəstəyi, BP-nin baş sponsorluğu və “Net Summit LLC”nin təşkilatçılığı ilə keçirilir. Ümumilikdə “Startup Academy”, “Monex Summit”, “Government Address”, “Baku E-Trade Forum”, “Maintech Forum”, “Venture Summit”, “Corporate Innovation Forum”, “Influencer Summit” olmaqla 8 fazadan ibarət “World Net Summit”də 15 ölkədən 50-dən artıq spikerin çıxışı nəzərdə tutulur.