![Macarıstanın Azərbaycandakı səfiri ilə görüş keçirilib](https://smb.gov.az/storage/709/h5oytYfK0Z1nFRQ_qUwcnXt_C9JI-t9T.jpg)
Macarıstanın ölkəmizdəki fövqəladə və səlahiyyətli səfiri Viktor Szederkenyi Azərbaycan Respublikasının Kiçik və Orta Biznesin İnkişafı Agentliyində (KOBİA) olub.
KOBİA-nın İdarə Heyətinin sədri Orxan Məmmədovla keçirilmiş görüşdə Azərbaycanda və Macarıstanda biznes və investisiya mühitinə, sahibkarlığın, o cümlədən mikro, kiçik və orta biznesin inkişafına, bu sahədə həyata keçirilən tədbirlərə və dəstək mexanizmlərinə, KOB sahəsində əməkdaşlığa və təcrübə mübadiləsinə dair müzakirələr aparılıb. Agentliyin KOB sahəsində ən yaxşı beynəlxalq təcrübələrin öyrənilməsində, Macarıstanın bu sahədə müvafiq qurumları ilə əməkdaşlıqda maraqlı olduğu qeyd edilib.
Görüşdə həmçinin, bu ilin oktyabrında Bakıda keçiriləcək və Macarıstandan da nümayəndə heyətinin təmsil olunacağı Türkdilli Dövlətlərinin Əməkdaşlıq Şurasının 7-ci Zirvə Toplantısı çərçivəsində təşkil ediləcək biznes forumda Macarıstanın biznes nümayəndə heyətinin iştirakı, işgüzar dairələr arasında görüşlərin keçirilməsi məsələləri müzakirə olunub.
Powered by Froala Editor