Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
Asiya İnkişaf Bankının nümayəndələri “Bakı KOB evi”ndə olub Klasterləşmə – sahibkarlar üçün imkanlar və perspektivlər Oğuzda sahibkarlığın inkişafı və biznes imkanları müzakirə olunub “Yerli şirkətlərin tanıtım sərgisi” keçiriləcək KOB evi modeli, bu mexanizmin sahibkarlar üçün əhəmiyyəti “Gəncə KOB evi” sahibkarlar üçün yeni imkanlar yaradır KOBİA-da Azərbaycan-Qırğızıstan biznes əməkdaşlığına dair görüş keçirilib Sahibkarlar birgə maliyyələşmə proqramından necə yararlana bilərlər? “Caspian Agro Week” və “InterFood Azerbaijan” sərgilərində məhsul və xidmətlərini təqdim etmək istəyən KOB-ların nəzərinə! Azərbaycan Texnologiya Universitetinin tələbələri “Gəncə KOB evi”ndə olub
Məkkə Halal Forumu keçiriləcək 16.01.26
Məkkə Halal Forumu keçiriləcək

14–16 fevral 2026-cı il tarixində Səudiyyə Ərəbistanının Məkkə şəhərində 3-cü Məkkə Halal Forumu keçiriləcək. Səudiyyə Ərəbistanı Krallığının Ticarət Nazirliyinin himayəsi altında keçiriləcək və dünyanın müxtəlif ölkələrindən iştirakçıların bir araya gələcəyi tədbir qlobal halal bazarın inkişafını dəstəkləmək və beynəlxalq əməkdaşlıqları gücləndirmək məqsədi daşıyır. “Halal – Peşəkar Sənaye” mövzusuna həsr olunacaq forum halal qida, içkilər, əczaçılıq, kosmetika, moda, yüngül sənaye, turizm, islam maliyyəsi, rəqəmsal xidmətlər sahələrində qabaqcıl təcrübə mübadiləsi və innovativ yanaşmaların təqdim olunacağı platformadır.

Forum biznes görüşlər, “Ticarət Palataları və Halal Sektorunun Qlobal İnkişafı” mövzusunda dəyirmi masa, startaplar və innovativ biznes modelləri zonası, praktiki bilik və bacarıqlar üzrə seminar, halal sertifikasiyası üzrə ilkin qiymətləndirməyə dair ekspert güşəsi, canlı aşpaz şouları kimi proqram və zonalarından ibarət olacaq.

Qeyd edək ki, Azərbaycan Sahibkarlar (İşəgötürənlər) Təşkilatları Milli Konfederasiyasının (ASK) təşəbbüsü, Kiçik və Orta Biznesin İnkişafı Agentliyinin (KOBİA) tərəfdaşlığı ilə forumun sərgi hissəsində Azərbaycan pavilyonu qurulacaq. Bu pavilyon yerli sahibkarlar üçün ixrac imkanlarının genişləndirilməsi, Səudiyyə bazarına çıxış, eləcə də investorlar və distribütorlarla birbaşa əlaqələrin qurulması baxımından mühüm imkan yaradır. 

Azərbaycan sahibkarları forumda iştiraka və sərgidə məhsullarını təqdim etməyə dəvət olunurlar. 

Forum barədə ətraflı məlumat və qeydiyyat üçün: (+994 12) 465 76 92 (daxili 117) sbayramov@ask.org.az, ASK-nın Sahibkarlarla iş və iqtisadi təhlil şöbəsinin müdiri Seymur Bayramov. 

Powered by Froala Editor