KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

Şəkidə keçirilən “KOB FEST” sərgi-satış yarmarkasında 70-dən çox KOB subyektinin məhsul və xidmətləri sərgilənir Sahibkarların iştirakı ilə ətraf mühiti idarəetmə sistemlərinə dair tədbir keçirilib Sahibkarların mikro, kiçik, orta və ya iri sahibkar kimi müəyyənləşdirilməsi üçün hansı meyar əsas götürülür? Bu ilin birinci yarısında KOB evlərində sahibkarlara 200 mindən çox xidmət göstərilib KOBİA nümayəndələrinin İspaniyaya səfəri çərçivəsində bir sıra görüşlər keçirilib Yerli bizneslər ESG və “yaşıl gündəliyə” hazır olmaq üçün nə etməlidir? Mindən çox KOB subyekti, startap və biznesə başlamaq istəyən şəxsə sahibkarlıq sahəsində təlim və məsləhət xidməti göstərilib “Startap” şəhadətnaməsi kimlərə verilir? Bursa Ticarət və Sənaye Palatasının nümayəndələri ilə görüş keçirilib Daha 10 KOB subyektinə “Startap” şəhadətnaməsi verilib

Menecerlərimiz beynəlxalq ixtisasartırma kursunda 19.08.21

Azərbaycanın biznes ictimaiyyətində menecerlərin ixtisasının artırılması üzrə Almaniya-Azərbaycan Birgə Proqramı koronavirus (COVID-19) pandemiyası səbəbindən onlayn formatda davam etdirilir.

Sahibkar və menecerlərdən ibarət növbəti qrup üçün avqustun 13-dən etibarən təlimlərə başlanılıb. Təlimlərdə iştirak edən 18 sahibkar və menecer Almaniyalı ekspertlər tərəfindən menecment sahəsində beynəlxalq təcrübə barədə məlumatlandırılır, bu sahədə praktiki vərdişlər öyrədilir, alman şirkətləri ilə əməkdaşlığın qurulmasına dəstək göstərilir. Menecerlər kənd təsərrüfatı, inşaat, mebel istehsalı, şərabçılıq və turizm sektorlarında fəaliyyət göstərir.

İxtisasartırma kursunu uğurla başa vuran iştirakçılara beynəlxalq sertifikat veriləcək. İştirakçıların 1 həftə müddətinə Almaniyaya göndərilməsi nəzərdə tutulur.

Məlumat üçün bildirək ki, Azərbaycanın biznes ictimaiyyətində menecerlərin ixtisasının artırılması üzrə Almaniya-Azərbaycan Birgə Proqramının əlaqələndiricisi Kiçik və Orta Biznesin İnkişafı Agentliyi (KOBİA) və Almaniya Beynəlxalq Əməkdaşlıq Cəmiyyətidir (GİZ). Bu günədək proqram çərçivəsində 485 sahibkar və menecer ixtisasartırma kursunda iştirak edərək, menecment sahəsində biliklərə, beynəlxalq təcrübəyə yiyələniblər. Proqramda iştirak üçün sənəd qəbulu və təlimlər ilboyu davam etdiriləcək. Proqramda iştirak etmək istəyən sahibkar və menecerlər KOBİA-ya müraciət edə bilərlər.