![Mikro və kiçik müəssisələrin ehtiyacları yerində müəyyənləşdirilir](https://smb.gov.az/storage/5182/1.jpg)
Mikro və kiçik müəssisələrin fəaliyyəti ilə tanışlıq, sahibkarların ehtiyacı olan dəstəyin yerində müəyyənləşdirilməsi üçün Kiçik və Orta Biznesin İnkişafı Agentliyi (KOBİA) istehsal və emal müəssisələrində görüşlərini davam etdirir.
KOBİA-nın nümayəndələri Abşeron rayonunun Məmmədli kəndində yerləşən “Bakı Çörək Evi” MMC-yə məxsus zavodda olub, istehsal prosesi və müəssisənin ehtiyacı olan dəstək, istehsalın və satışın genişləndirilməsi barədə fikir mübadiləsi aparıblar.
2019-cu ildən fəaliyyət göstərən zavod günlük 23000 - 25000 çörək istehsal etmək gücünə malikdir. Hazırda zavodda istehsal olunan çörəyin Bakı və ətraf kənd və qəsəbələrdə, eləcə də bir sıra regionlarda satışı həyata keçirilir. Müəssisədə 10-dan çox işçi çalışır. İşçilər əsasən Məmmədli və ətraf kəndlərdən olan sakinlərdir.
Powered by Froala Editor