KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

İqtisadi Əməkdaşlıq və İnkişaf Təşkilatı KOB evi modelini qabaqcıl innovativ təcrübə kimi təqdim edib Azərbaycan və Qətər şirkətləri arasında saziş imzalanıb "Startap" şəhadətnaməsinin verilməsi barədə qərar necə qəbul olunur? “KOB FEST” sərgi-satış yarmarkası bu dəfə Gəncədə Azərbaycan və Vyetnam sahibkarları arasında görüş keçirilib Gəncə və Göygöl şəhərlərində dövlət dəstəyi ilə 15 qonaq evi yaradılıb Mingəçevir, Astara və Samuxda sahibkarlarla görüşlər keçirilib Reklam sektorunun inkişafına dair ictimai müzakirə təşkil olunub Şəkidə keçirilən “KOB FEST” sərgi-satış yarmarkasında 70-dən çox KOB subyektinin məhsul və xidmətləri sərgilənir Sahibkarların iştirakı ilə ətraf mühiti idarəetmə sistemlərinə dair tədbir keçirilib

Mingəçevir, Astara və Samuxda sahibkarlarla görüşlər keçirilib 22.07.24

Sahibkarlar əməyin təhlükəsizliyi qaydaları, maliyyə resurslarına çıxış alətləri və biznesin inkişafı üçün dövlətin dəstək mexanizmləri barədə məlumatlandırılıb.

Sahibkarlıq fəaliyyətinin qurulması və inkişaf etdirilməsi üçün dövlətin dəstək alətləri, bu sahədə qanunvericilikdəki dəyişikliklər barədə biznes subyektlərinin məlumatlandırıması, suallarının cavablandırılması və çətinliklərinin öyrənilməsi məqsədilə Kiçik və Orta Biznesin İnkişafı Agentliyinin (KOBİA) təşkilatçılığı ilə regionlarda keçirilən sahəvi və maarifləndirici görüşlər davam etdirilir.

Ötən həftə ərzində Mingəçevir şəhərində, Astara və Samux rayonlarında sahibkarlarla görüşlər keçirilib. Müvafiq dövlət qurumlarının nümayəndələrinin iştirakı ilə təşkil olunmuş görüşlərdə ümumilikdə 70-ə yaxın sahibkar iştirak edib.

Astara rayonunda təşkil olunmuş görüşdə işəgötürənlərə (sahibkarlara) əməyin mühafizəsi və təhlükəsizliyi ilə bağlı qanunvericilikdə nəzərdə tutulan standartlar, norma və qaydalar, əməyin mühafizəsi şəraitinin təmin edilməsi, əmək qanunvericiliyində son dəyişikliklər barədə məlumat verilib.

Samuxda keçirilən görüşdə istixana məhsullarının satışı və toxum istehsalı ilə məşğul olan sahibkarlıq subyektlərinin çətinlikləri dinlənilib, müvafiq sahədə imkanlar müzakirə edilib.

Mingəçevir şəhərində təşkil edilmiş görüşdə isə sahibkarlara maliyyə resurslarına çıxış, güzəştli kreditlər, qrant dəstəyi barədə məlumat verilib, biznesin maliyyələşdirilməsi imkanlarına dair fikir mübadiləsi aparılıb.

Ümumilikdə görüşlərdə sahibkarları maraqlandıran suallar cavblandırılıb, təklifləri dinlənilib, müvafiq istiqamətlər üzrə dövlət qurumlarının nümayəndələri tərəfindən tövsiyə və məsləhətlər verilib.