KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

KOB-ların “yaşıl iqtisadiyyat”a transformasiyası və “yaşıl maliyyələşmə”yə dair seminar keçirilib 6 mikro sahibkara “Startap” şəhadətnaməsi verilib Azərbaycan və Pakistan iş adamları arasında B2B görüşlər keçirilib KOBİA nümayəndələri Səudiyyə Ərəbistanında səfərdə olub Sumqayıtda qadın sahibkarlarla görüş keçirilib “Qarabağ KOB-ları” proqramı 2024-cü ildə də davam etdiriləcək “Sahibkarlar Günü”nə həsr olunmuş konfrans keçirilib KOBİA və Somali Federativ Respublikasının nümayəndələri arasında görüş keçirilib Keniya nümayəndə heyəti “Bakı KOB evi”nin fəaliyyəti ilə tanış olub Ekoloji, sosial və korporativ idarəetmə standartları üzrə alt-qrupun növbəti iclası keçirilib

Neftçala və Salyan sahibkarlarına məsləhət xidmətləri göstərilib 20.09.21

Kiçik və Orta Biznesin İnkişafı Agentliyinin (KOBİA) Neftçala-Salyan KOB İnkişaf Mərkəzi (KOBİM) tərəfindən 16-17 sentyabr tarixlərində bərbərlik, heyvandarlıq, mebel istehsalı və satışı ilə məşğul olan sahibkarlara, eləcə də restoran və meyvə-tərəvəz satışı biznesinə maraq göstərən şəxslərə fərdi məsləhət xidmətləri göstərilib.

Onlayn formatda və yerində təşkil olunmuş məsləhət xidmətləri zamanı Neftçala-Salyan KOBİM-in ekspertləri tərəfindən sahibkarlara və öz biznesini qurmaq istəyən şəxslərə maliyyə resurslarına çıxış, güzəştli kredit şərtləri, banklara müraciət qaydaları, sanitar-epidemioloji qaydaların gözlənilməsi, müştəri məmnuniyyəti, satış imkanlarının genişləndirilməsi, biznesə yeni başlayanlar üçün mövcud imkanlar və s. barədə ətraflı məlumat verilib, onları maraqlandıran suallar cavablandırılıb.

Neftçala, Salyan və ətraf bölgələrdə sahibkarlıq fəaliyyəti ilə məşğul olan biznes subyektləri və öz biznesini qurmaq istəyən şəxslər sahibkarlıq fəaliyyətinin qurulması və inkişaf etdirilməsi üçün ehtiyacları olan təlim, məsləhət və digər xidmətlər üçün Neftçala-Salyan KOBİM-ə müraciət edə bilərlər. KOBİM-lər tərəfindən göstərilən bütün xidmətlər ödənişsizdir. Ətraflı məlumat üçün: https://neftcala.kobim.az/