Orqanik məhsulların istehsalı üzrə mövcud vəziyyətin öyrənilməsi məqsədilə onlayn görüş keçirilib. Kiçik və Orta Biznesin İnkişafı Agentliyinin (KOBİA) təşkilatçılığı ilə dövlət-sahibkar əməkdaşlığı platforması çərçivəsində təşkil olunmuş tədbirdə İqtisadiyyat, Ekologiya və Təbii Sərvətlər, Kənd Təsərrüfatı nazirliklərinin, Qida Təhlükəsizliyi Agentliyinin, Azərbaycanda İxracın və İnvestisiyaların Təşviqi Fondunun (AZPROMO), Ekoloji Təmiz Məhsul İstehsalçıları və İxracatçıları, Azərbaycan Fındıq İstehsalçıları və İxracatçıları, Arıçılar, Azərbaycan Süd və Süd Məhsulları İstehsalçıları və İxracatçıları, Gəncə Aqrobiznes assosiasiyalarının və 60-a yaxın sahibkarlıq subyektinin nümayəndələri iştirak edib.

Görüşdə ölkəmizdə ekoloji təmiz məhsulların istehsalına, bu sahədə standartlara, orqanik məhsul istehsalının təşviqi mexanizminin hazırlanmasına, bu cür məhsulların xarici bazarlara çıxarılmasına dair müzakirələr aparılıb, təkliflər səsləndirilib. 

Sahibkarları maraqlandıran suallar görüşdə iştirak edən müvafiq qurumlar tərəfindən cavablandırılıb. 

Powered by Froala Editor