Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
KOBİA İsrailin KOB sahəsində müvafiq qurumları ilə görüşlər keçirib Azərbaycan məhsulları “Russia Halal Expo” sərgisində Baytar həkimlər özəl xidmətə keçidə hazırlanır KOBİA Azərbaycan-Serbiya Hökumətlərarası Komissiyanın iclasında təmsil olunub Vətən müharibəsi iştirakçıları KOBİA-da işlə təmin edilib Qadın sahibkarlığın inkişafı ilə bağlı müzakirələr aparılıb Sahibkarlar vahid məkanda xidmətlərdən istifadəyə üstünlük verir Elan 55 onlayn mağaza, 700 adda məhsul: www.kobmarket.az istifadəçilərinin sayı artır Serbiyanın Azərbaycandakı səfiri KOBİA-da olub
Orxan Məmmədov: “Yaxın günlərdə “Startap” şəhadətnaməsinin verilməsinə başlanacaq” 19.04.21
Orxan Məmmədov: “Yaxın günlərdə “Startap” şəhadətnaməsinin verilməsinə başlanacaq”

“Startap” şəhadətnaməsi ilə bağlı yenilik gözlənilir. Yaxın günlərdə mikro və kiçik sahibkarlıq subyektlərinə “Startap” şəhadətnaməsinin verilməsinə başlanılacaq”.

“Report” xəbər verir ki, bunu ATV telekanalının "İqtisadi zona" verilişinin qonağı olan İqtisadiyyat Nazirliyi yanında Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov deyib. O.Məmmədov əlavə edib ki, bu şəhadətnamələri alan startaplar 3 il vergidən azad ediləcək: “Startap” şəhadətnaməsi KOB subyektlərini Vergi Məcəlləsinə uyğun olaraq innovasiya fəaliyyətindən əldə etdikləri gəlirlər üzrə mənfəət vergisindən və gəlir vergisindən 3 il müddətinə azad edəcək. Yaxın aylarda KOB subyektlərinin satış imkanlarının genişləndirilməsi, məhsul və xidmətlərinin tanıdılması üçün onlayn satış platformasının istifadəyə verilməsi planlaşdırılır”.

KOBİA rəsmisi kiçik və orta biznes sahəsindəki başqa yeniliklərdən də məlumat verib: “Digər bir yenilik onlayn təlim platforması ilə bağlıdır. 2021-ci ildə KOB subyektlərinin təlim və tədris imkanlarının artırılması, biznes sahəsində qabaqcıl təcrübənin öyrənilməsi üçün onlayn videotəlim platfoması istifadəyə veriləcək. Müasir təşkilati iqtisadi model olan klasterləşmə sahəsində də KOB-lara institusional dəstəyin göstərilməsi nəzərdə tutulur. KOBİA tərəfindən KOB klaster şirkətinə və KOB klaster iştirakçılarına şəhadətnamə veriləcək ki, bu onları bir sıra vergilərdən azad edəcək".

Xatırladaq ki, “Startap” şəhadətnaməsi əldə edən hüquqi və ya fiziki şəxslər Azərbaycan Respublikasının Vergi Məcəlləsinin 102.1.31-ci və ya 106.1.23-cü maddəsində nəzərdə tutulan azadolmadan istifadə hüququ qazanır və “Startap” şəhadətnaməsi aldıqları tarixdən innovasiya fəaliyyətindən əldə etdikləri gəlirlər üzrə, mikro və ya kiçik sahibkarlıq subyekti olan hüquqi şəxslər mənfəət vergisindən, fərdi sahibkar kimi fəaliyyət göstərən fiziki şəxslər gəlir vergisindən – 3 il müddətinə azad edilirlər.

https://report.az/biznes-xeberleri/orxan-memmedov-yaxin-gunlerde-startap-sehadetnamesinin-verilmesine-baslanacaq/

Powered by Froala Editor