KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

Şəkidə keçirilən “KOB FEST” sərgi-satış yarmarkasında 70-dən çox KOB subyektinin məhsul və xidmətləri sərgilənir Sahibkarların iştirakı ilə ətraf mühiti idarəetmə sistemlərinə dair tədbir keçirilib Sahibkarların mikro, kiçik, orta və ya iri sahibkar kimi müəyyənləşdirilməsi üçün hansı meyar əsas götürülür? Bu ilin birinci yarısında KOB evlərində sahibkarlara 200 mindən çox xidmət göstərilib KOBİA nümayəndələrinin İspaniyaya səfəri çərçivəsində bir sıra görüşlər keçirilib Yerli bizneslər ESG və “yaşıl gündəliyə” hazır olmaq üçün nə etməlidir? Mindən çox KOB subyekti, startap və biznesə başlamaq istəyən şəxsə sahibkarlıq sahəsində təlim və məsləhət xidməti göstərilib “Startap” şəhadətnaməsi kimlərə verilir? Bursa Ticarət və Sənaye Palatasının nümayəndələri ilə görüş keçirilib Daha 10 KOB subyektinə “Startap” şəhadətnaməsi verilib

“Özəl sektorun inkişafı“ layihəsi çərçivəsində sahibkarlar üçün təlimlər keçirilir 20.12.21

Kiçik və Orta Biznesin İnkişafı Agentliyinin (KOBİA) KOB inkişaf mərkəzlərinin (KOBİM) təşkilatçılığı və ABŞ-ın Beynəlxalq İnkişaf Agentliyinin (USAİD) “Özəl sektorun inkişafı“ layihəsinin dəstəyi ilə ölkə regionlarında fəaliyyət göstərən fermerlər üçün təlimlər keçirilir.

Göyçay rayonunda “Nar istehsalçıları üçün satış imkanları” mövzusunda təşkil olunmuş təlimdə narçılıqla məşğul olan 17 KOB subyekti aqrobiznes üzrə məsləhətçi Qabriel Eliaz tərəfindən nar bağlarının salınması, intensiv və yarım intensiv bağlar, məhsul yığımı və yığımdan sonra idarə etmə tədbirləri, məhsulun qablaşdırılması, ixracı və satış üçün düzgün bazarın seçilməsi barədə ətraflı məlumatlandırılıb.

Lənkəranda 10 KOB subyektinin iştirakı ilə keçirilmiş “Kənd təsərrüfatı məhsullarının sertifikatlaşdırılması” mövzusunda təlimdə isə mənşə sertifikatı və bunun üçün nəzərdə tutulan dövlət rüsumu, ixrac olunan malların satışının uçotu, mənfəət vergisi, gömrük rəsmiləşdirilməsi, “GAP”ın mahiyyəti və sertifikatları haqqında ətraflı məlumat verilib. Təlim çərçivəsində iştirakçılar və ekspertlər arasında fikir mübadiləsi aparılıb, sahibkarların sualları cavablandırılıb.