Ailə, Qadın və Uşaq Problemləri üzrə Dövlət Komitəsi tərəfindən mütəmadi olaraq Azərbaycan Respublikasının Ədliyyə Nazirliyi Penitensiar Xidmətin 4 saylı Cəzaçəkmə Müəssisəsində cəza çəkməkdən azad edilmiş qadınların cəmiyyətə sosial adaptasiyasına, onların sosial vəziyyətinin yaxşılaşdırılmasına yönəldilmiş tədbirlər həyata keçirilir.
Bu istiqamətdə müəssisədə cəza çəkən qadınların azadlığa hazırlanması, azad olunduqdan sonra qısa müddətdə məşğulluğunun təmin olunmalarına kömək məqsədilə onların peşə imkanları nəzərə alınaraq, Dövlət Komitəsinin təşkilatçılığı, Kiçik və Orta Biznesin İnkişafı Agentliyi (KOBİA) və Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyinin birgə əməkdaşlığı çərçivəsində məhkumluq müddətinin bitməsinə 6 aydan az qalmış qadınlarla görüş təşkil olunub.
Görüşdə Dövlət Komitəsinin şöbə müdiri Cəmilə Bağırova, Dövlət Məşğulluq Agentliyinin şöbə müdiri Cuma Nəbiyev və KOBİA-nın şöbə müdiri Kamran Bağırzadə müəssisədə cəza çəkmiş qadınların peşə bacarıqlarına uyğun olaraq məşğulluğunun təmin edilməsi, bu sahədə aidiyyəti qurumların dəstəyi barədə məlumat veriblər.
Görüşdə azadlığa buraxılacaq məhkumlar dinlənilib, öz bacarıq və peşələri barədə ətraflı məlumat veriblər.
Powered by Froala Editor
