Qəbul zamanı sahibkarların biznes fəaliyyəti ilə bağlı müxtəlif məsələlər üzrə müraciətləri dinlənilib.
Kiçik və Orta Biznesin İnkişafı Agentliyinin (KOBİA) İdarə Heyəti sədrinin müavini Emil Hüseynli Xaçmaz, Quba və Qusar rayonlarından olan sahibkarları qəbul edib.
KOBİA-nın aidiyyəti struktur bölmələrinin iştirakı ilə onlayn formatda keçirilmiş qəbulda sahibkarlar infrastruktur məsələləri, tekstil və qida məhsullarının satışına dəstək, güzəştli kreditlərin verilməsi və sahibkarlıq fəaliyyəti üçün maliyyə dəstəyi, qeyri-yaşayış obyektlərinin rəsmiləşdirilməsi və s. məsələlərlə bağlı müraciət ediblər.
Sahibkarların müraciətləri dinlənilib, sorğu xarakterli müraciətlərlə bağlı sualları cavablandırılıb və müvafiq izahatlar verilib. Araşdırma tələb edən müraciətlər qanunvericiliyə uyğun tədbirlərin görülməsi üçün aidiyyəti strukturlara yönləndirilib.
Powered by Froala Editor
