Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
Sahibkarlar lisenziyalar üçün KOB evlərinə müraciət edə bilərlər KOBİA nümayəndələri Türkiyədə keçirilən beynəlxalq seminarda iştirak ediblər Vergi güzəşti ilə böyüyən “InnMedia”: Çin nəhəngi ilə yeni tərəfdaşlıq müqaviləsi, ABŞ-yə dair planlar... KOBİA yanında daimi fəaliyyət göstərən Koordinasiya Qrupunun növbəti iclası keçirilib Vergi yükü azalır, hədəflər böyüyür: yerli startaplardan qlobal bazara iddialı addımlar - II HİSSƏ “Qarabağ KOB-ları 2026” layihəsi çərçivəsində növbəti peşə təlimləri başa çatıb Azərbaycanın innovativ startapları: süni intellekt, rəqəmsal transformasiya, ciddi hədəflər Sahibkarlar üçün məsləhət xidmətləri davam edir Hər bir biznes fəaliyyəti üçün lisenziya almaq lazımdırmı? Sentyabr ayında sahibkarlar üçün ödənişsiz biznes təlimlər keçiriləcək
Sahibkarlar “Bakı KOB evi”nə daha çox hansı dövlət xidmətləri üçün müraciət edirlər 03.05.24
Sahibkarlar “Bakı KOB evi”nə daha çox hansı dövlət xidmətləri üçün müraciət edirlər

2024-cü ilin I rübündə “Bakı KOB evi”ndə sahibkarlara göstərilən xidmətlərin 72 mindən çoxu 10 dövlət qurumu tərəfindən təqdim edilib. 

2024-cü ilin yanvar-mart aylarında “Bakı KOB evi”ndə sahibkarlıq subyektlərinə 80349 xidmət göstərilib ki, onlardan 72537-i (90,28%) dövlət qurumlarının (“G2B”), 7812-i (9,72%) isə özəl qurumların (“B2B”) xidmətləridir.

Biznes subyektlərinə göstərilmiş xidmətlərin 72 mindən çoxu 10 dövlət qurumu tərəfindən təqdim edilib. “Bakı KOB evi”nə müraciət edən sahibkarlar daha çox Rəqəmsal İnkişaf və Nəqliyyat Nazirliyinə – 64133 (79,82%), İqtisadiyyat Nazirliyinin tabeliyində Antiinhisar və İstehlak Bazarına Nəzarət Dövlət Xidmətinə – 5778 (7,19%), Dövlət Vergi Xidmətinə – 1183 (1,47%), Fövqəladə Hallar Nazirliyinə – 297 (0,37%), Dövlət Gömrük Komitəsinə – 296 (0,37%) müraciət ediblər. Siyahıda növbəti yerləri İqtisadiyyat Nazirliyi, Dövlət Mineral Xammal Ehtiyatlarından İstifadə Agentliyi, Kiçik və Orta Biznesin İnkişafı Agentliyi (KOBİA), Azərbaycan Qida Təhlükəsizliyi Agentliyi və Kənd Təsərrüfatı Nazirliyi bölüşür. 

Sahibkarlar adıçəkilən qurumlara biznes fəaliyyəti üçün zəruri olan yükdaşımaları həyata keçirmək üçün icazə blankı, fərqlənmə nişanı, taxoqraf kartları, lisenziya və icazələr, mənşə sertifikatı və digər sənədlərin alınması, vergi və gömrük məsələləri ilə bağlı müraciət ediblər. 

Qeyd edək ki, “Bakı KOB evi”ndə 50-yə yaxın dövlət və özəl qurum tərəfindən sahibkarlara biznes fəaliyyəti üçün zəruri olan “G2B” və “B2B” xidmətlər göstərilir. 

Powered by Froala Editor