Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
Mikro və kiçik sahibkarların ticarət şəbəkələrinə çıxışına dəstək üçün müraciətlərin qəbuluna başlandı “Sancaktar” şirkəti ilə görüş keçirilib Sahibkarlar peşəkar kadrlarla çalışmağa üstünlük verməlidir Azərbaycan məhsulları Beynəlxalq Qida və İçki Sərgisində nümayiş olunur 2022-ci ilin ilk “Startap” şəhadətnamələri sahibkarlara təqdim edilib Qətər şirkəti ilə KOBİA-da görüş keçirilib KOBİA və Ukraynanın İnvestisiyaların Təşviqi və Dəstəklənməsi İdarəsi arasında Memorandum imzalanıb KOBİA-nın nümayəndələri Ukraynanın İqtisadiyyat Nazirliyində olublar KOBİA və Ukraynanın Sahibkarlıq və İxracın Təşviqi Ofisi arasında müzakirələr aparılıb KOBİA nümayəndələri Ukraynanın İnvestisiyaların Təşviqi Ofisində olub
Sahibkarlar elektron dövlət qeydiyyatının yeni imkanları barədə məlumatlandırılıblar 29.12.21
Sahibkarlar elektron dövlət qeydiyyatının yeni imkanları barədə məlumatlandırılıblar

Dekabrın 28-də İqtisadiyyat Nazirliyi yanında Dövlət Vergi Xidməti və Kiçik və Orta Biznesin İnkişafı Agentliyinin (KOBİA) birgə təşkilatçılığı ilə öz biznesini qurmaq istəyən şəxslər, startaplar, mikro və kiçik sahibkarlıq subyektləri üçün “Kommersiya hüquqi şəxslərin elektron dövlət qeydiyyatı sahəsində aparılmış islahatların üstünlükləri” mövzusunda onlayn seminar keçirilib.

Tədbirdə Dövlət Vergi Xidmətinin Dövlət qeydiyyatı baş idarəsinin əməkdaşı Lalə Əhmədova yerli investisiyalı məhdud məsuliyyətli cəmiyyətlərin elektron dövlət qeydiyyatı sahəsində həyata keçirilən islahatlar və elektron qeydiyyatın yeni imkanları barədə ətraflı məlumat verib, bu sistemdən istifadə qaydalarını əyani şəkildə nümayiş etdirib. Bildirilib ki, hüquqi şəxslərin elektron dövlət qeydiyyatı sahəsində aparılmış islahatların məqsədi biznesə başlama prosedurlarının sadələşdirilməsi, vaxta qənaət, şəffaflığın təmin olunması, məmur-sahibkar ünsiyyətinin minimuma endirilməsi və vətəndaş məmnunluğunun artırılmasıdır. Elektron qeydiyyat zamanı qeydiyyat sənədləri vergi ödəyicisinin elektron kabinetinə onlayn qaydada göndərilir və kağız daşıyıcısında əldə edilməsinə ehtiyac olmur. Həmçinin elektron kabinetə göndərilmiş qeydiyyat sənədlərinin bütün dövlət qurumları, banklar, notariuslar və digər təşkilatların müvafiq informasiya sistemlərinə inteqrasiyası təmin edilib. 

Tədbirdə məlumat verilib ki, yeni qeydiyyatdan keçən sahibkarlıq subyektləri arasında kommersiya hüquqi şəxslərin elektron dövlət qeydiyyatına maraq getdikcə artır. Yanvar-noyabr ayları ərzində 10.769 kommersiya qurumu dövlət qeydiyyatından keçib ki, bu da 2020-ci ilin müvafiq dövrü ilə müqayisədə 28,5 faiz çoxdur. Qeydiyyatdan keçmiş kommersiya qurumlarından 90,7 faizi yerli investisiyalı, 9,3 faizi xarici investisiyalı müəssisələrdir. Onların 82,8 faizi elektron qaydada qeydiyyata alınıb. Yerli investisiyalı məhdud məsuliyyətli cəmiyyətlərin e-qeydiyyatının xüsusi çəkisi isə 92,7 faiz təşkil edib. 

Yanvar-noyabr aylarında yeni qeydiyyat üsulu ilə (fin kod+mobil nömrə) 1.723 yerli investisiyalı məhdud məsuliyyətli cəmiyyət qeydiyyata alınıb ki, bu da 2020-ci ilin müvafiq dövrü ilə müqayisədə 86,5 faiz çoxdur. Bu üsulun ümumi qeydiyyatda xüsusi çəkisi artaraq 16 faizə, yerli investisiyalı məhdud məsuliyyətli cəmiyyətlərin qeydiyyatında isə 17,9 faizə çatıb. 

Onlayn seminarda yerli investisiyalı kommersiya hüquqi şəxslərin elektron dövlət qeydiyyatına dair video çarx nümayiş olunub, iştirakçıları maraqlandıran suallar cavablandırılıb. 

Qeyd edək ki, mikro və kiçik sahibkarlıq subyektləri, startaplar və öz biznesini qurmaq istəyən şəxslər üçün mütəmadi olaraq KOBİA və Dövlət Vergi Xidməti tərəfindən maarifləndirici tədbirlər, o cümlədən təlim və seminarlar təşkil edilir. 

Powered by Froala Editor