![Sahibkarlar üçün maliyyə resurslarına çıxış imkanlarına dair onlayn tədbir keçiriləcək](https://smb.gov.az/storage/305/1YoY0J2L0PXcEICosm8u4ybcnXS9BIOk.png)
İqtisadiyyat Nazirliyinin tabeliyində Kiçik və Orta Biznesin İnkişafı Agentliyinin təşkilatçılığı ilə 2 may 2019-cu il tarixində, saat 15.00-da sahibkarlar üçün maliyyə resurslarına çıxış imkanları və bu sahədə göstərilən xidmətlərə dair onlayn maarifləndirici tədbir keçiriləcək.
Tədbirə ölkənin istənilən yerindən internet vasitəsilə (kompyuter və mobil telefondan istifadə etməklə) qoşulmaq mümkündür.
- Kompyuter vasitəsilə https://zoom.us/client/latest/ZoomInstaller.exe linkinə daxil olmaq və 849132766 parolunu yığmaqla;
- iPhone vasitəsilə “App Store”dan “Zoom Cloud Meetings” tətbiqini yükləməklə;
- Android vasitəsilə “Google Play”dən “Zoom Cloud Meetings” tətbiqini yükləməklə.
Agentliyin Bakı, Sumqayıt və Gəncə şəhərləri, Masallı, Quba, Qusar, Xaçmaz, Siyəzən-Şabran, Yevlax, Qəbələ, Abşeron və Füzuli rayonları üzrə KOB dostları tərəfindən onlayn təlimə qoşulmaq istəyən sahibkarlara hər cür dəstək göstəriləcəkdir.
Təlimə qoşulmaqla bağlı istənilən məsələ ilə əlaqədar Kiçik və Orta Biznesin İnkişafı Agentliyinə müraciət edə bilərsiniz ((055) 525-30-30, Adil Əhmədov).
Powered by Froala Editor