Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
KOBİA nümayəndələri Türkiyədə keçirilən beynəlxalq seminarda iştirak ediblər Vergi güzəşti ilə böyüyən “InnMedia”: Çin nəhəngi ilə yeni tərəfdaşlıq müqaviləsi, ABŞ-yə dair planlar... KOBİA yanında daimi fəaliyyət göstərən Koordinasiya Qrupunun növbəti iclası keçirilib Vergi yükü azalır, hədəflər böyüyür: yerli startaplardan qlobal bazara iddialı addımlar - II HİSSƏ “Qarabağ KOB-ları 2026” layihəsi çərçivəsində növbəti peşə təlimləri başa çatıb Azərbaycanın innovativ startapları: süni intellekt, rəqəmsal transformasiya, ciddi hədəflər Sahibkarlar üçün məsləhət xidmətləri davam edir Hər bir biznes fəaliyyəti üçün lisenziya almaq lazımdırmı? Sentyabr ayında sahibkarlar üçün ödənişsiz biznes təlimlər keçiriləcək Strateji investisiya layihələri üzrə investisiya təşviqi sənədinin verilməsi davam edir
Siyəzəndə sahibkarlarla biznesin inkişafına dair təklif və ehtiyacları müzakirə edilib 08.05.26
Siyəzəndə sahibkarlarla biznesin inkişafına dair təklif və ehtiyacları müzakirə edilib

Siyəzən sahibkarları dövlətin dəstək mexanizmləri barədə məlumatlandırılıb.

Siyəzən rayonunda fəaliyyət göstərən sahibkarlar yun emalı müəssisəsinin yaradılmasına, arıçılığın və quşçuluq müəssisəsinin inkişafına dəstək, güzəştli kreditlər, subsidiyaların verilməsi ilə bağlı məsələləri dövlət qurumlarının nümayəndələri ilə müzakirə ediblər. Kiçik və Orta Biznesin İnkişafı Agentliyinin (KOBİA) təşkilatçılığı ilə Siyəzəndə keçirilmiş görüşdə rayonun iqtisadi potensialından daha səmərəli istifadəyə dair dövlət-sahibkar əməkdaşlığı çərçivəsində fikir mübadiləsi aparılıb. 

Siyəzən Rayon İcra Hakimiyyətinin dəstəyi ilə təşkil olunmuş görüşdə kənd təsərrüfatı, quşçuluq, heyvandarlıq, ictimai iaşə, ticarət sahələrində fəaliyyət göstərən 90-a yaxın biznes subyekti, eləcə də sahibkarlara dəstək və xidmət göstərən dövlət qurumlarının nümayəndələri iştirak ediblər. 

Tədbirdə Siyəzən Rayon İcra Hakimiyyətinin başçısı Novruz Novruzov və KOBİA-nın İdarə Heyətinin sədri Orxan Məmmədov rayonda sahibkarlığın inkişafı və investisiya qoyuluşu üçün imkanlar, dövlətin dəstək alətləri barədə məlumat veriblər. Qeyd olunub ki, Siyəzəndə turizm, xidmət və logistika sahələrinin inkişafı üçün imkanlar genişdir. Rayonun sənaye və kənd təsərrüfatı potensialı emal və qablaşdırma sahələrinin genişləndirilməsinə imkan verir. Həmçinin bildirilib ki, belə görüşlər qarşılıqlı əməkdaşlıq və dəstək sisteminin inkişafı baxımından əhəmiyyətlidir, sahibkarlar görüşlərdə aktiv olmalıdırlar. 

Görüş zamanı sahibkarlar onları maraqlandıran məsələlər və ehtiyacları ilə bağlı təklif və müraciətlərini səsləndiriblər. Sahibkarların sualları cavablandırılıb, qaldırılan məsələlərin aidiyyəti üzrə araşdırılacağı bildirilib. 

Siyəzən rayonuna səfər çərçivəsində KOBİA nümayəndələri plastik məmulatların istehsalı müəssisəsində də olublar. 

Powered by Froala Editor