KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

İtaliya-Azərbaycan dəyirmi masası keçirilib Sahibkarların "yaşıl layihə"ləri KOBİA tərəfindən dəstəklənir Masallıda “KOB FEST” sərgi-satış yarmarkası keçiriləcək Startaplara dəstək üçün dövlət və özəl sektor əməkdaşlığı çərçivəsində yeni layihəyə start verilib "KOB könüllüləri" proqramına daha 54 gənc qoşulub "Recepta" startapının uğur hekayəsi Atmosfer havasının mühafizəsi ilə bağlı sənaye və ictimai iaşə sahəsində fəaliyyət göstərən sahibkarlarla görüş keçirilib Şamaxı, Yardımlı və Qazaxda sahibkarlarla görüşlər keçirilib Sürücülər üçün yeni “Avto-SOS” mobil tətbiqi hazırlanıb 60-a yaxın KOB subyektinin məhsul və xidmətlərinin satışına dəstək göstərilib

“Startap” şəhadətnaməsi almış texnoloji həldən bank sistemində istifadəyə başlanılıb 22.10.22

Kiçik və Orta Biznesin İnkişafı Agentliyi (KOBİA) tərəfindən 2021-ci ilin iyun ayında “Startap” şəhadətnaməsi verilmiş “Alqoritmik Kredit Texnologiyaları” MMC-nin “Pulapp” məhsulu artıq satış mərhələsinə keçib. Belə ki, şirkət ilə “Merkuri” BOKT arasında imzalanmış müqaviləyə əsasən kredit təşkilatı “Pulapp” texnoloji həllindən istifadə etməklə kiçik fermer kreditlərinin verilməsi üzrə pilot layihəyə start verib.

“Pulapp” müştəri ilə ilk tanışlıqdan sonra onun biznes məlumatlarını yerindəcə toplamağa və 30-40 dəqiqə ərzində kredit qərarını verməyə imkan verir. Bunun üçün bank əməkdaşının sifarişlə bağlı sadə məlumatları mobil cihaz vasitəsilə bir dəfə daxil etməsi kifayətdir. Proqrama edilmiş inteqrasiyalar sayəsində “Pulapp” müştərinin kredit tarixçəsi, şəxsiyyət vəsiqəsi və rəsmi gəlirləri barədə məlumatları avtomatik rejimdə əldə edir və xüsusi alqoritmlərdən istifadə edərək kredit qərarının bütün şərtlərini əhatə etməklə müştəriyə anında kredit təklifi verir.

Proqram təminatından istifadə kreditləşmə prosesini standartlaşdırır və satış nümayəndəsinin işini əhəmiyyətli dərəcədə sadələşdirir. Proqramın digər üstünlüyü kredit risklərinin idarəedilməsində yeni imkanların açılmasıdır ki, bu da satış nümayəndələrinin qərarvermədə iştirak etməməsi ilə bərabər kredit itkilərini minimallaşdırır.