KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

Sahibkarların mikro, kiçik, orta və ya iri sahibkar kimi müəyyənləşdirilməsi üçün hansı meyar əsas götürülür? Bu ilin birinci yarısında KOB evlərində sahibkarlara 200 mindən çox xidmət göstərilib KOBİA nümayəndələrinin İspaniyaya səfəri çərçivəsində bir sıra görüşlər keçirilib Yerli bizneslər ESG və “yaşıl gündəliyə” hazır olmaq üçün nə etməlidir? Mindən çox KOB subyekti, startap və biznesə başlamaq istəyən şəxsə sahibkarlıq sahəsində təlim və məsləhət xidməti göstərilib “Startap” şəhadətnaməsi kimlərə verilir? Bursa Ticarət və Sənaye Palatasının nümayəndələri ilə görüş keçirilib Daha 10 KOB subyektinə “Startap” şəhadətnaməsi verilib KOB-lar üçün yaşıl iqlim maliyyələşdirilməsinə dair iki günlük seminar keçirilib “Qarabağ KOB-ları 2024” proqramına başlanıb

Sumqayıt KOB İnkişaf Mərkəzində əlil sahibkarlar üçün təlim keçirilib 09.10.20

Cəmiyyətin həssas kateqoriyasından olanların, o cümlədən əlilliyi olan şəxslərin öz bizneslərini qurması və inkişaf etdirməsi üçün dəstək tədbirləri genişləndirilir. Kiçik və Orta Biznesin İnkişafı Agentliyinin (KOBİA) Sumqayıt KOB İnkişaf Mərkəzinin növbəti təlimləri bu kateqoriyadan olan sahibkarlar üçün təşkil olunub.

Oktyabrın 8-də Sumqayıt KOB İnkişaf Mərkəzində əlilliyi olan mikro sahibkarlar üçün “Öz biznesinə başla” mövzusunda təlim keçirilib. Pandemiya ilə əlaqədar zəruri qaydalara əməl olunmaqla təşkil olunmuş tədbirdə təlimçi-ekspert Araz Paşayev tərəfindən biznesə başlamaq və mövcud biznesi genişləndirmək üçün zəruri addımlar, o cümlədən biznes üçün müvafiq istiqamətin seçilməsi, marketinq, satış, tərəfdaşlığın qurulması, mövcud maliyyə alətləri, vergi güzəştləri və digər istiqamətlər üzrə məlumat verilib, iştirakçıları maraqlandıran suallar cavablandırılıb, mövzu ətrafında fikir mübadiləsi aparılıb.

“Əlil sahibkarlar təşkilatı” İctimai Birliyinin sədri Mirzə Məmməd Vəliyev əlilliyi olan şəxslərin öz biznesini qurması və inkişaf etdirməsi üçün biznesyönümlü təlim və məsləhət xidmətlərinin əhəmiyyətini vurğulayıb, bu istiqamətdə Sumqayıt KOB İnkişaf Mərkəzi ilə əməkdaşlığın davam etdiriləcəyini bildirib.

Qeyd edək ki, Sumqayıt KOB İnkişaf Mərkəzi tərəfindən bu cür tədbirlər mütəmadi olaraq təşkil olunacaqdır. Sumqayıt şəhəri və Abşeron iqtisadi rayonunda fəaliyyət göstərən sahibkarlar və öz biznesini qurmaq istəyən şəxslər sahibkarlıq fəaliyyəti üçün zəruri olan təlim-tədris xidmətləri üçün Sumqayıt KOB İnkişaf Mərkəzinə müraciət edə bilərlər.