KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

KOBİA və Somali Federativ Respublikasının nümayəndələri arasında görüş keçirilib Keniya nümayəndə heyəti “Bakı KOB evi”nin fəaliyyəti ilə tanış olub Ekoloji, sosial və korporativ idarəetmə standartları üzrə alt-qrupun növbəti iclası keçirilib Qazaxıstanın tələbə və magistrları “Bakı KOB evi”ndə olublar “Startap” şəhadətnaməsi hansı meyarlar əsasında verilir? – MƏLUMATLANDIRMA KOBİA “Caspian Investment Forum Bishkek 2024” tədbirində iştirak edib Bu ilin birinci rübündə 16 KOB subyektinə “Startap” şəhadətnaməsi verilib Dövlət-sahibkar əməkdaşlığı platforması çərçivəsində sahibkarlarla görüşlər davam edir Kənd təsərrüfatı və qida sektorunda fəaliyyət göstərən KOB subyektlərinin nəzərinə! KOBİA nümayəndə heyəti İzmirdə səfərdə olub

Turizm klasterləşməsinin təşviqi KOBİA-nın prioritetlərindəndir 04.04.19

Aprelin 4-də Bakı Ekspo Mərkəzində 18-ci Azərbaycan Beynəlxalq Turizm və Səyahətlər “AITF 2019” Sərgisi öz işinə başlayıb. “Bütün dünya. Bir sərgi” şüarı altında keçirilən “AITF 2019” Sərgisinə Azərbaycan Respublikasının Kiçik və Orta Biznesin İnkişafı Agentliyi (KOBİA) də dəstək göstərir.

Sərginin açılış mərasimində çıxış edən KOBİA-nın İdarə Heyətinin sədri Orxan Məmmədov ölkəmizdə turizm sektoruna dövlət səviyyəsində böyük diqqət göstərildiyini, Azərbaycan Respublikası Prezidentinin rəhbərliyi ilə əldə olunmuş sosial-iqtisadi tərəqqinin bu sahənin hərtərəfli inkişafına yeni imkanlar açdığını vurğulayıb. Qeyd olunub ki, son illər ölkəmizin turizm potensialının beynəlxalq aləmdə təbliği, turistlərin Azərbaycana cəlb edilməsi, turizmin müxtəlif növlərinin inkişaf etdirilməsi, müasir turizm infrastrukturunun yaradılması və viza rejiminin sadələşdirilməsi sahəsində məqsədyönlü işlər görülüb. Turizm sahəsində sahibkarlığın inkişafının Kiçik və Orta Biznesin İnkişafı Agentliyinin fəaliyyət istiqamətlərdən olduğunu diqqətə çatdıran Agentlik sədri biznes subyektləri üçün nəzərdə tutulan dəstək mexanizmləri çərçivəsində turizm sektorunun iştirakçılarının bu sahəyə geniş cəlb edilməsinin, turizm klasterləşməsinin təşviqinin Agentliyin prioritet hədəflərindən olduğunu bildirib. Vurğulanıb ki, birgə səylər nəticəsində turizm fəaliyyəti üzrə kiçik və orta sahibkarların aktivliyi artacaq, turizm qeyri-neft sektorunda aparıcı sahələrdən birinə çevriləcəkdir.

Qeyd edək ki, aprelin 6-dək davam edəcək “AITF 2019” Sərgisində dünyanın 17 ölkəsindən 190-a yaxın şirkət və təşkilat iştirak edir. Sərgi çərçivəsində müxtəlif görüşlər, seminar və təqdimatlar təşkil ediləcəkdir.