Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
Sahibkarların müraciətləri dinlənilib “KOB könüllüləri” proqramına maraq artmaqda davam edir Biznes tərəfdaşlığı proqramı çərçivəsində təlimlər keçirilir Bu ilin ötən dövründə 35 “Startap” şəhadətnaməsi verilib Vergi güzəştləri ilə böyüyən startaplar: “BillKill” və “OnWay” Qəbələ və İsmayıllı rayonlarında fəaliyyət göstərən sahibkarların nəzərinə! Biznesə xidmət sahəsində innovativ model kimi KOB evlərinə maraq artır “Qarabağ KOB-ları 2026” layihəsi üzrə daha 55 nəfər təlimlərə cəlb olunub Cari ilin I yarısında KOB evlərində sahibkarlara 312 mindən çox xidmət göstərilib ELAN
Xırdalanda dövlət dəstəyi ilə yeni məktəbəqədər təhsil müəssisəsi fəaliyyətə başlayıb 02.10.23
Xırdalanda dövlət dəstəyi ilə yeni məktəbəqədər təhsil müəssisəsi fəaliyyətə başlayıb

Xidmət sektorunda yeni sahibkarlıq subyektlərinin yaradılması üçün KOBİA potensial sahibkarlara məsləhət, təlim, biznes planın hazırlanması, hüquqi yardım, maliyyə resurslarına çıxış kimi istiqamətlərdə dəstəyini davam etdirir.  

Xırdalan şəhərində yeni məktəbəqədər təhsil müəssisəsi - “Laləli bağça” MMC fəaliyyətə başlayıb. Müəssisədə azyaşlı uşaqların inkişafı üçün məktəbəqədər hazırlıq üzrə bir sıra xidmətlər göstərilir. 

“Laləli bağça”nın açılmasına dövlət dəstəyi Kiçik və Orta Biznesin İnkişafı Agentliyi (KOBİA) tərəfindən təmin edilib. Belə ki, uşaq bağçasının açılması üçün sahibkara biznes fəaliyyətinə dair məsləhət, sahibkarlıq fəaliyyətinin qeydiyyatı, müvafiq lisenziyanın alınması, sahibkara məxsus yaşayış obyektinin qeyri-yaşayış obyektinə çevrilməsi, dövlət qurumları ilə əlaqələndirmə kimi istiqamətlərdə dəstək göstərilib. 

50 yerlik uşaq bağçasının yaradılmasına sahibkar tərəfindən 150 min manat həcmində investisiya qoyulub. Uşaq bağçasında 14 nəfər işlə təmin edilib. 

Fəaliyyətini genişləndirməsi üçün KOBİA tərəfindən sahibkara dəstək davam etdiriləcəkdir.

Qeyd edək ki, KOBİA biznesə başlamaq istəyənlərə və sahibkarlıq fəaliyyətini genişləndirməkdə maraqlı olan biznes subyektlərinə bir sıra dəstək və xidmətlər göstərir. Bu platforma KOB-ların fəaliyyətə başlaması və inkişafı üçün zəruri olan məsləhət, təlim, biznes planın hazırlanması, maliyyəyə və bazarlara çıxışın genişləndirilməsi, hüquqi yardım və maraqların müdafiəsi, KOB-lara göstərilən xidmət səviyyəsinin yaxşılaşdırılması kimi çoxşaxəli dəstək və xidmətləri əhatə edir. Biznesini qurmaq və ya genişləndirmək istəyən sahibkarlıq subyektləri dəstək üçün KOBİA-ya müraciət edə bilərlər. 

Powered by Froala Editor