Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
KOBİA nümayəndələri Türkiyədə keçirilən beynəlxalq seminarda iştirak ediblər Vergi güzəşti ilə böyüyən “InnMedia”: Çin nəhəngi ilə yeni tərəfdaşlıq müqaviləsi, ABŞ-yə dair planlar... KOBİA yanında daimi fəaliyyət göstərən Koordinasiya Qrupunun növbəti iclası keçirilib Vergi yükü azalır, hədəflər böyüyür: yerli startaplardan qlobal bazara iddialı addımlar - II HİSSƏ “Qarabağ KOB-ları 2026” layihəsi çərçivəsində növbəti peşə təlimləri başa çatıb Azərbaycanın innovativ startapları: süni intellekt, rəqəmsal transformasiya, ciddi hədəflər Sahibkarlar üçün məsləhət xidmətləri davam edir Hər bir biznes fəaliyyəti üçün lisenziya almaq lazımdırmı? Sentyabr ayında sahibkarlar üçün ödənişsiz biznes təlimlər keçiriləcək Strateji investisiya layihələri üzrə investisiya təşviqi sənədinin verilməsi davam edir
Xızı rayonunda sahibkarlarla görüş keçirilib 26.05.26
Xızı rayonunda sahibkarlarla görüş keçirilib

Görüşdə rayonda sahibkarlığın inkişaf imkanları müzakirə olunub, biznes subyektlərinin təklifləri dinlənilib.

Kiçik və Orta Biznesin İnkişafı Agentliyinin (KOBİA) təşkilatçılığı və Xızı Rayon İcra Hakimiyyətinin dəstəyi ilə rayonda fəaliyyət göstərən sahibkarlarla görüş keçirilib. Tədbirdə kənd təsərrüfatı, turizm, xidmət və s. sahələrdə fəaliyyət göstərən sahibkarlar, eləcə də dövlət qurumlarının nümayəndələri iştirak ediblər.

Görüşdə Xızı Rayon İcra Hakimiyyəti başçısının müavini Arzu Əzizov və KOBİA-nın İdarə Heyətinin sədri Orxan Məmmədov rayonda sahibkarlıq fəaliyyəti, mövcud biznes imkanlarının reallaşdırılması üçün dövlətin dəstək alətləri barədə məlumat veriblər. Qeyd olunub ki, Xızıda turizm və xidmət sektorunun inkişafı üçün imkanlar genişdir. Bu potensialdan istifadə etməklə ekoturizm, kənd turizmi və xidmət mərkəzlərinin inkişafına daha çox diqqət göstərilə bilər. Sahibkarlar arasında əməkdaşlıq və birgə fəaliyyət mexanizmlərinin genişləndirilməsi həm xidmət keyfiyyətinin yüksəlməsi, həm də bazar imkanlarının artması baxımından faydalı olacaqdır. 

Görüşdə sahibkarlarla fermer təsərrüfatının inkişafı və çörək sexinin genişləndirilməsinə maliyyə dəstəyinin göstərilməsi, torpaq sahəsinin sənədləşdirilməsinə dəstək və digər məsələlərlə bağlı fikir mübadiləsi aparılıb, təklifləri dinlənilib və sualları cavablandırılıb. 

KOBİA nümayəndələri həmçinin, Xızıda çörək istehsalı müəssisəsində olub, sahibkarla biznesin inkişafına dair fikir mübadiləsi aparıblar.

Powered by Froala Editor