Yaşıl biznes dedikdə ekoloji və dayanıqlı inkişaf prinsiplərinə əsaslanan, ətraf mühitə və cəmiyyətə müsbət təsir etməyə çalışan iş modeli nəzərdə tutulur. Fəaliyyətində yaşıl prinsipləri əsas götürən bizneslər ətraf mühitə dost olur. Yəni su, enerji və torpaq kimi resurslardan, xammaldan səmərəli istifadə edir, az tullantı yaradır və tullantıları düzgün idarə edir, ekologiyaya zərər vermir, ekoloji təmiz xammal və materiallardan istifadə edir, ekoloji təmiz məhsul və xidmətlər istehsalına üstünlük verir. Bir sözlə, yaşıl biznes gəlir əldə edərkən ətraf mühiti və cəmiyyətin rifahını düşünür. Yaşıl biznes modelinə əsaslanan müəssisələrdə yaşıl prinsiplər bütün biznes proseslərinə və idarəetmə sisteminə inteqrasiya edir. Bu baxımdan şirkətlər yaşıl planlama, yaşıl idarəetmə üzrə strategiya və siyasətlər hazırlayır və tətbiq edir, mütəmadi olaraq bu istiqamətdə monitorinq aparır və prosesi təkmilləşdirir.
Powered by Froala Editor
