KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

“Qarabağ KOB-ları” proqramı çərçivəsində Bərdədə təlimlər başlayır Qəbələ rayonunda arıçılarla görüş keçirilib “Bakı KOB evi”ndə yeni xidmət Sahibkarların müraciətləri dinlənilib Naxçıvanda fəaliyyət göstərən qadın sahibkarlarla görüş keçirilib KOBİA yanında daimi fəaliyyət göstərən Koordinasiya Qrupunun ilk iclası keçirilib “Mübahisələrin həlli, məhkəmə sistemi və hüququn aliliyi” işçi qrupunun sahibkarlıq subyektləri ilə görüşü keçirilib Gəncədə keçirilmiş "KOB FEST" sərgi-satış yarmarkası Daha 3 KOB subyektinə “Startap” şəhadətnaməsi verilib Azərbaycanda maliyyəçilər üçün yeni startap məhsulu hazırlanıb

Yerli istehsalçıların satış-sərgi yarmarkası keçirilir 21.05.22

Kiçik və Orta Biznesin İnkişafı Agentliyinin (KOBİA) təşkilatçılığı ilə “Passage 1901”də yerli istehsalçıların satış-sərgi yarmarkası - “Azərbaycan İstehsalçılar Festivalı 2022” keçirilir.

Yarmarkanın təşkilində məqsəd mikro və kiçik sahibkarlıq subyektlərinin satış imkanlarının və KOB-lar arasında əməkdaşlığın genişləndirilməsi, eləcə də yerli məhsulların tanıdılmasıdır.

Sərgi-satış yarmarkasında 100-dən çox biznes subyekti tərəfindən tekstil, qida, aksesuar, kosmetika, oyuncaq, ev üçün əşyalar və xidmətlər təqdim olunur.

Yarmarkanın rəsmi açılışında çıxış edən KOBİA-nın İdarə Heyətinin sədri Orxan Məmmədov sahibkarların satış bazarlarına çıxışının dəstəklənməsinin KOBİA-nın fəaliyyətinin prioritet istiqamətlərindən olduğunu qeyd edib. Vurğulanıb ki, 2022-ci ildə də xaricdə və ölkəmizdə keçirilən sərgi və yarmarkalarda sahibkarlar KOBİA-nın dəstək proqramı çərçivəsində iştirak edirlər. Bu, Azərbaycan məhsullarının tanınmasına, KOB-ların məhsullarının satışının artmasına, eləcə də “Made in Azerbaijan” brendinin xarici müştərilərə təqdim edilməsi və ixrac imkanlarının genişlənməsinə öz töhfəsini verməkdədir.

Dövlət Məşğulluq Agentliyinin İdarə Heyətinin sədri Mustafa Abbasbəyli və Azərbaycan Sahibkarlar (İşəgötürənlər) Təşkilatları Milli Konfederasiyasının vitse-prezidenti Vüqar Zeynalov belə tədbirlərin yerli məhsulların tanıdılması və KOB-ların satış imkanlarının genişləndirilməsində əhəmiyyətini qeyd ediblər.

Yarmarka çərçivəsində həmçinin, biznesini genişləndirmək istəyən sahibkarların ikitərəfli görüşləri və təqdimatları keçirilir, uğurlu iş adamları ilə təcrübə mübadiləsi imkanı yaradılır, master klaslar, eləcə də musiqili proqram təqdim olunur.

Mayın 20-dən start götürmüş Azərbaycan İstehsalçılar Festivalı 22 may tarixinədək saat 10.00-dan 20.00-dək Bakı sakinləri və şəhərimizin qonaqları üçün açıq olacaqdır.