KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

Naxçıvanda fəaliyyət göstərən qadın sahibkarlarla görüş keçirilib KOBİA yanında daimi fəaliyyət göstərən Koordinasiya Qrupunun ilk iclası keçirilib “Mübahisələrin həlli, məhkəmə sistemi və hüququn aliliyi” işçi qrupunun sahibkarlıq subyektləri ilə görüşü keçirilib Gəncədə keçirilmiş "KOB FEST" sərgi-satış yarmarkası Daha 3 KOB subyektinə “Startap” şəhadətnaməsi verilib Azərbaycanda maliyyəçilər üçün yeni startap məhsulu hazırlanıb “Bakı KOB evi” – sahibkarların doğma ünvanı Süni intellekt əsasında SMM platforması KOB subyektlərinin işini asanlaşdıran təşəbbüs – “Bakı KOB evi”ndə gömrük fəaliyyəti “Yaşıl iqtisadiyyat”a keçidə dəstək məqsədilə Memorandum imzalanıb

Yerli KOB-ların layihələri investisiya cəlb etmək məqsədilə Səudiyyə Ərəbistanının iş adamlarına təqdim edilib 12.06.23

Azərbaycan və Səudiyyə Ərəbistanından olan iş adamlarının iştirakı ilə keçirilən dəyirmi masada yerli sahibkarların potensial investisiya layihələrinin təqdimatı keçirilib, hər iki ölkənin iş adamları arasında birgə layihələrin icrasına dair fikir mübadiləsi aparılıb.

Azərbaycan-Səudiyyə Ərəbistanı Birgə İşgüzar Şurası və Səudiyyə Ərəbistanından olan nümayəndə heyətinin ölkəmizə səfəri çərçivəsində dəyirmi masa təşkil olunub. Tədbirdə Azərbaycan-Səudiyyə Ərəbistanı Birgə İşgüzar Şurasının həmsədrləri – KOBİA-nın İdarə Heyətinin sədri Orxan Məmmədov və “Al Rajhi İnternational for İnvestment” şirkətinin baş icraçı direktoru Əhməd Əli Əl Dakhil, eləcə də hər iki ölkədən rəsmi şəxslər və iş adamları iştirak ediblər.

Kiçik və Orta Biznesin İnkişafı Agentliyinin (KOBİA) təşkilatçılığı ilə keçirilən dəyirmi masanın məqsədi Azərbaycan sahibkarlarının layihələrinə investisiya cəlb etmək, hər iki ölkənin iş adamları arasında birgə layihələrin icrasını təşviq etmək, ölkəmizdə fəaliyyət göstərən xüsusi iqtisadi zonaların imkanlarını və burada biznes subyektləri üçün nəzərdə tutulan güzəştləri diqqətə çatdırmaqdır.

Tədbir çərçivəsində Ələt Azad İqtisadi Zonasının fəaliyyətinə, eləcə də daşınmaz əmlak, xidmət, yüngül və qida sənayesi üzrə yerli KOB-ların potensial investisiya layihələrinə dair təqdimatlar keçirilib, Səudiyyə Ərəbistanından olan iş adamlarının sualları cavablandırılıb.