KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

Naxçıvanda fəaliyyət göstərən qadın sahibkarlarla görüş keçirilib KOBİA yanında daimi fəaliyyət göstərən Koordinasiya Qrupunun ilk iclası keçirilib “Mübahisələrin həlli, məhkəmə sistemi və hüququn aliliyi” işçi qrupunun sahibkarlıq subyektləri ilə görüşü keçirilib Gəncədə keçirilmiş "KOB FEST" sərgi-satış yarmarkası Daha 3 KOB subyektinə “Startap” şəhadətnaməsi verilib Azərbaycanda maliyyəçilər üçün yeni startap məhsulu hazırlanıb “Bakı KOB evi” – sahibkarların doğma ünvanı Süni intellekt əsasında SMM platforması KOB subyektlərinin işini asanlaşdıran təşəbbüs – “Bakı KOB evi”ndə gömrük fəaliyyəti “Yaşıl iqtisadiyyat”a keçidə dəstək məqsədilə Memorandum imzalanıb

200-ə yaxın yerli şirkətin məhsul və xidmətləri, 26 min ziyarətçi: yerli şirkətlərin tanıtım sərgisi başa çatdı 12.06.23

“Heydər Əliyev və Azərbaycan sahibkarlığı” mövzusunda yerli şirkətlərin tanıtım sərgisi çərçivəsində işğaldan azad olunmuş ərazilərdə investisiya imkanlarına və biznesin rəqəmsallaşmasına dair panel müzakirələr təşkil olunub.

“Baku Crystal Hall”da keçirilən “Heydər Əliyev və Azərbaycan sahibkarlığı” mövzusunda yerli şirkətlərin tanıtım sərgisi başa çatıb.

8-10 iyun tarixlərində keçirilən sərgidə sənaye, kənd təsərrüfatı, qida, İKT, təhsil, inşaat, logistika, tekstil və digər sahələrdə fəaliyyət göstərən 200-ə yaxın yerli şirkətin məhsul və xidmətləri nümayiş olunub. 3 gün ərzində sərgini 26 min nəfər ziyarət edib.

Qeyd edək ki, ümummilli lider Heydər Əliyevin 100 illik yubileyinə həsr olunmuş sərgi İqtisadiyyat Nazirliyinin dəstəyi, Kiçik və Orta Biznesin İnkişafı Agentliyi (KOBİA) və “Marsol Group”un birgə təşkilatçılığı, “Kapital Bank”ın rəsmi tərəfdaşlığı ilə keçirilib. Azərbaycan Sahibkarlar (İşəgötürənlər) Təşkilatları Milli Konfederasiyası, Dövlət Məşğulluq Agentliyi, "İş adamları Cəmiyyətinin Milli Assosiasiyası”, “Prestij kimya”, “Gədəbəy mineral suları”, “Moon Qrup” və “BHB” strateji və kreativ media agentliyi sərgiyə dəstək göstərənlər sırasındadır.

KOBİA sərgidə ayrıca stendlə təmsil olunub. Agentliyin dəstəyi ilə stenddə qida, kənd təsərrüfatı, nəşriyyat, sənaye, İKT və xidmət sahələrində fəaliyyət göstərən 13 KOB subyekti, o cümlədən Azərbaycan Qadın Sahibkarlığının İnkişafı Assosiasiyasından 2 qadın sahibkar məhsul və xidmətlərini təqdim edib.

Sərgi çərçivəsində iki panel müzakirə də təşkil olunub. İyunun 9-da keçirilən “Böyük qayıdış - işğaldan azad olunmuş ərazilərdə investisiya imkanları və güzəştlər” mövzusunda paneldə Qarabağ iqtisadi rayonuna daxil olan işğaldan azad edilmiş ərazilərdə (Şuşa rayonu istisna olmaqla) Azərbaycan Respublikası Prezidentinin Xüsusi Nümayəndəliyi, KOBİA, İqtisadi Zonaların İnkişafı Agentliyi, Sahibkarlığın İnkişafı Fondu və Azərbaycan Sahibkarlar (İşəgötürənlər) Təşkilatları Milli Konfederasiyasının nümayəndələri tərəfindən işğaldan azad olunmuş ərazilərimizdə biznes imkanları, sahibkarlıq fəaliyyəti üçün prioritet istiqamətlər, güzəşt və dəstəklər, əhalinin məskunlaşması planları, bu ərazilərdə yaradılmış sənaye parklarının sahibkarlar üçün yaratdığı imkanlar barədə məlumat verilib.

İyunun 10-da təşkil olunan “Müasir çağırışlar fonunda iqtisadi transformasiya: rəqabətli və dayanıqlı bizneslərin formalaşması” mövzularında panel müzakirədə isə Kənd Təsərrüfatı Nazirliyinin Aqrar İnnovasiya Mərkəzi, Dördüncü Sənaye İnqilabının Təhlili və Koordinasiya Mərkəzi (4SİM), İnnovasiya və Rəqəmsal İnkişaf Agentliyi, Azərbaycan Sahibkarlar (İşəgötürənlər) Təşkilatları Milli Konfederasiyası və “Kapital Bank” ASC-nin nümayəndələri müasir texnologiyaların rəqabətli və dayanıqlı bizneslərin formalaşmasında rolu, bizneslərin rəqəmsallaşması, aqrobiznes sektorunda innovativ texnologiyalar, biznesin şəbəkələşməsinə texnologiyaların təsiri kimi məsələr barədə danışıblar.