KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

Şəkidə keçirilən “KOB FEST” sərgi-satış yarmarkasında 70-dən çox KOB subyektinin məhsul və xidmətləri sərgilənir Sahibkarların iştirakı ilə ətraf mühiti idarəetmə sistemlərinə dair tədbir keçirilib Sahibkarların mikro, kiçik, orta və ya iri sahibkar kimi müəyyənləşdirilməsi üçün hansı meyar əsas götürülür? Bu ilin birinci yarısında KOB evlərində sahibkarlara 200 mindən çox xidmət göstərilib KOBİA nümayəndələrinin İspaniyaya səfəri çərçivəsində bir sıra görüşlər keçirilib Yerli bizneslər ESG və “yaşıl gündəliyə” hazır olmaq üçün nə etməlidir? Mindən çox KOB subyekti, startap və biznesə başlamaq istəyən şəxsə sahibkarlıq sahəsində təlim və məsləhət xidməti göstərilib “Startap” şəhadətnaməsi kimlərə verilir? Bursa Ticarət və Sənaye Palatasının nümayəndələri ilə görüş keçirilib Daha 10 KOB subyektinə “Startap” şəhadətnaməsi verilib

2021-2022-ci illər üçün “EY İlin İş Adamı” müsabiqəsinə start verildi 20.09.21

EY Azərbaycan şirkəti tərəfindən növbəti “EY İlin İş Adamı” proqramına start verildi. Kiçik və Orta Biznesin İnkişafı Agentliyinin (KOBİA) də tərəfdaşı olduğu müsabiqədə iştirak etmək istəyən sahibkarlar və iş adamları ərizələrini proqramın komitəsinə təqdim edə bilərlər. EY şirkəti tərəfindən təsis olunan müsabiqə dünyada biznes mükafatı təqdim edən nüfuzlu proqramlardandır.

Liderlik və uğur nümayiş etdirən iş adamları fəaliyyət sahəsindən asılı olmayaraq proqrama qoşulmaq üçün ərizələrini 20 dekabr 2021-ci ilədək təqdim edə bilərlər.

EY Azərbaycan şirkətinin ölkə üzrə idarəedici partnyoru və milli “EY İlin İş Adamı” müsabiqəsinin rəhbəri İlqar Vəliyev bildirib: “Mən şadam ki, biz “EY İlin İş Adamı” proqramını ölkəmizdə artıq üçüncü dəfə elan edirik. Bu il də biz bu çətin dövrdə davamlılıq və əzmkarlıq nümayiş etdirən və ətrafındakı icmaların həyatlarını yaxşılaşdırmaqda davam edən kiçik və orta müəssisələrə diqqətimizi yönəltmişik. Milli müsabiqənin qalibi "EY Dünya Üzrə İlin İş Adamı" müsabiqəsində Azərbaycanı təmsil etmək və digər ölkələrin finalçıları ilə yarışmaq imkanı əldə edəcəkdir. Bu, istedadlı sahibkarlarımızı qlobal miqyasda diqqət mərkəzinə gətirmək üçün əla bir fürsət olacaq".

Proqram Azərbaycanda istənilən sahədə fəaliyyət göstərən sahibkarlar üçün açıqdır. Namizədlər şirkətin fəaliyyətində əsas məsuliyyəti daşımalı və şirkətin ən azı 20% hissəsinə sahib olmalıdırlar. Son iki il ərzində şirkətin dövriyyəsi ən azı 1 maliyyə ili üzrə 300 min manatdan 30 milyon manatadək olmalıdır. Uyğunluq meyarları və müsabiqə ilə bağlı ətraflı məlumatla proqramın rəsmi saytından https://www.eoy.az tanış olmaq olar.

Müsabiqənin finalçıları və qalibi tanınmış sahibkarlar, dövlət şirkətlərinin top-menecerləri, beynəlxalq maliyyə qurumlarını təmsil edən idarəçilərdən ibarət müstəqil münsiflər heyəti tərəfindən seçiləcək.

2021 - 2022-ci il “EY İlin İş Adamı” müsabiqəsinə maliyyə dəstəyini ABB və bp şirkəti göstərir. KOBİA və Ekvita proqramın tərəfdaşları sırasındadır.