Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
Sahibkarlar kənd təsərrüfatı məhsullarının istehsalı sahəsində mövcud dövlət dəstək mexanizmləri barədə məlumatlandırılıb KOBİA ABŞ - Azərbaycan Ticarət Palatasına üzv qəbul edilib “Yaşıl iqtisadiyyatın təşviqi” mövzusunda təlim keçiriləcək Ağalı kəndində ilk ailə təsərrüfatları yaradılıb KOBİA-nın rəhbərliyi süd emalı zavodunda olub “KOB Fest” sərgi-satış yarmarkalarında 500-dən çox KOB subyektinin iştirakı təmin edilib Xızıda KOB dostu fəaliyyətə başlayıb KOBİA-nın rəhbərliyi fındıq fabrikində olub KOBİA-nın rəhbərliyi “Coca-Cola” istehsalat fabrikində olub “Gənclərin məşğulluğu” yay istirahət düşərgəsinin iştirakçıları KOBİA-nın dəstək və xidmətləri barədə məlumatlandırılıb
“Arşın mal alan” satış-sərgi yarmarkası keçirilir 05.08.22
“Arşın mal alan” satış-sərgi yarmarkası keçirilir

Kiçik və Orta Biznesin İnkişafı Agentliyinin (KOBİA) tərəfdaşlığı, Kiçik və Orta Biznes Subyektləri və Klubları Assosiasiyası (KOBKSA) və “Kazımlı Agency”nin təşkilatçılığı ilə “Şərq Bazarı”nda “Arşın mal alan” milli satış-sərgi yarmarkası təşkil olunub. 

 

İlk dəfədir keçirilən tədbirin məqsədi mikro və kiçik sahibkarlıq subyektlərinin satış imkanlarının və KOB-lar arasında əməkdaşlığın genişləndirilməsi, eləcə də yerli məhsulların tanıdılmasıdır. 

 

Yarmarkada 90-a yaxın biznes subyekti tərəfindən tekstil, qida, aksesuar, kosmetika, oyuncaq, ev üçün əşyalar və s. məhsullar, eləcə də xidmətlər təqdim olunur. Tədbir çərçivəsində həmçinin, öz biznesini genişləndirmək istəyən sahibkarlar üçün ikitərəfli görüşlər və tanınmış ekspertlərin iştirakı ilə məsləhət saatları təşkil olunub, uğurlu iş adamları ilə təcrübə mübadiləsi, tanınmış simalarla görüş imkanı yaradılıb. Konsert proqramı ilə müşayiət olunan yarmarkada uşaqlar üçün master klaslar və s. əyləncəli tədbirlər də təşkil olunacaqdır. 

 

Tədbirin açılışında iştirak edən KOBİA-nın İdarə Heyətinin sədri Orxan Məmmədov, Qeyri-Hökumət Təşkilatlarına Dövlət Dəstəyi Agentliyinin icraçı direktoru Aygün Əliyeva, millət vəkili Vüqar İskəndərov belə tədbirlərin yerli məhsulların tanıdılmasında, KOB-ların satış imkanlarının genişlədirilməsində önəmi barədə fikirlərini bölüşüblər. 

 

Yarmarka avqustun 7-dək davam edəcəkdir. 

 

Tədbirin təşkilatçı tərəfdaşı Azərbaycan Respublikasının Gənclər Təşkilatlarının Milli Şurası, informasiya dəstəkçiləri isə Xəzər Media Mərkəzi, “Trend” müstəqil informasiya agentliyi (trend.az) və big.az xəbər portalıdır. 

Powered by Froala Editor