![Azərbaycan-Avstriya Hökumətlərarası Komissiyasının icalsında KOB sahəsində əməkdaşlıq perspektivləri də müzakirə olunub](https://smb.gov.az/storage/5583/1.jpg)
Mayın 16-da Bakıda Azərbaycan Respublikası ilə Avstriya Respublikası arasında iqtisadiyyat, kənd təsərrüfatı, sənaye, texnika və texnologiya sahələrində əməkdaşlıq üzrə Qarışıq Komissiyanın 10-cu iclası keçirilib.
Tədbirdə müxtəlif sahələrlə yanaşı, kiçik və orta biznesin inkişafı sahəsində birgə fəaliyyət də müzakirə edilib.
İclasdakı çıxışında Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov Avstriya ilə KOB sahəsində təcrübə mübadiləsi, KOB-lar arasında əlaqələrin genişləndirilməsi üçün birgə təşəbbüslərin icrasında maraqlı olduğumuzu qeyd edib. Vurğulanıb ki, xüsusilə biznes şəbəkələri arasında tərəfdaşlığın gücləndirilməsinə ehtiyac var və qarşılıqlı səfərlər bu baxımdan faydalı olacaqdır. Yerli startapların inkubatorlara və akseleratorlara səfərlərinin təşkili, eləcə də Avstriyadakı startaplarla birbaşa əlaqələrin qurulması da hər iki tərəf üçün faydalı ola bilər.
Powered by Froala Editor