KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

Naxçıvanda fəaliyyət göstərən qadın sahibkarlarla görüş keçirilib KOBİA yanında daimi fəaliyyət göstərən Koordinasiya Qrupunun ilk iclası keçirilib “Mübahisələrin həlli, məhkəmə sistemi və hüququn aliliyi” işçi qrupunun sahibkarlıq subyektləri ilə görüşü keçirilib Gəncədə keçirilmiş "KOB FEST" sərgi-satış yarmarkası Daha 3 KOB subyektinə “Startap” şəhadətnaməsi verilib Azərbaycanda maliyyəçilər üçün yeni startap məhsulu hazırlanıb “Bakı KOB evi” – sahibkarların doğma ünvanı Süni intellekt əsasında SMM platforması KOB subyektlərinin işini asanlaşdıran təşəbbüs – “Bakı KOB evi”ndə gömrük fəaliyyəti “Yaşıl iqtisadiyyat”a keçidə dəstək məqsədilə Memorandum imzalanıb

“Azərbaycan - Türkiyə: Ortaq Yüzüncü İl” tədbiri keçirilib 26.04.23

KOBİA: Azərbaycan və Türkiyənin kiçik və orta sahibkarlıq sahəsində potensialından maksimum dərəcədə istifadə etməklə mövcud imkanları praktik layihələrə çevirmək və KOB-lar arasında daha dərin inteqrasiyaya nail olmaq istəyirik.

Heydər Əliyev Mərkəzində ulu öndər Heydər Əliyevin 100 illik yubileyi və Türkiyə Respublikasının qurulmasının 100 illiyinə həsr olunmuş “Azərbaycan - Türkiyə: Ortaq Yüzüncü İl” tədbiri keçirilib.

Tədbirdə Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov ölkələrimiz arasında sahibkarlıq və biznes ictimaiyyəti arasında əməkdaşlığa dair fikirlərini bölüşüb. Qeyd olunub ki, ümummilli lider Azərbaycan və Türkiyə əlaqələrinin bugünkü səviyyəyə çatmasında əvəzolunmaz rola malikdir. Heydər Əliyevin məşhur “Bir millət, iki dövlət” kəlamı Azərbaycan-Türkiyə dostluğunu və qardaşlığını tam mənası ilə təsvir edən ifadədir və ölkələrimiz arasında əməkdaşlıq bu gün də Azərbaycan Respublikasının Prezidenti cənab İlham Əliyev tərəfindən uğurla davam etdirilir. Yüksələn xətlə inkişaf edən Azərbaycan-Türkiyə iqtisadi əlaqələri çərçivəsində kiçik və orta sahibkarlıq sahəsində də əməkdaşlıq genişlənməkdədir. Həm Azərbaycanda, həm də Türkiyədə biznes subyektlərinin 99%-nin KOB subyektlər olması bu əməkdaşlığın inkişafı üçün geniş potensialın olduğunu göstərir. Məqsədimiz bu potensialı maksimum dərəcədə reallaşdırmaq, mövcud imkanları praktik layihələrə çevirmək və KOB-lar arasında daha dərin inteqrasiyaya nail olmaqdır. Bu məqsədlə Türkiyədən olan həmkar dövlət təşkilatları, biznes assosiasiyaları, sahibkarlar və investorlar ilə sıx əməkdaşlıq edirik.