KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

Tatarıstan nümayəndə heyəti “Bakı KOB evi”ndə olub Qəbələdə özünüməşğulluq proqramına qoşulmuş vətəndaşlarla görüş keçirilib 800-dən çox biznes subyekti və potensial sahibkar biznes təlimlərdən yararlanıb İstehsal ilə məşğul olan sahibkarlar KOB Model Müəssisənin təlimlərinə dəvət olunur “Unibroad” təhsil platforması dünyanın ən yaxşı startapları sırasında Azərbaycanlı startapçı “Sculptor” cihazı hazırlayıb “AIM Congress”də ölkəmizi təmsil edəcək startap məlum oldu Samux sahibkarları ilə görüş keçirilib, KOB dostu ofisi fəaliyyətə başlayıb Cari ilin I rübündə KOB evlərində sahibkarlara 99 mindən çox xidmət göstərilib Xarici ticarət iştirakçıları arasında sorğu keçirilir

Azərbaycan və İraq arasında işgüzar əməkdaşlığın inkişafına dair Dəyirmi Masa keçirilib 28.09.21

Sentyabrın 28-də Kiçik və Orta Biznesin İnkişafı Agentliyinin (KOBİA) təşkilatçılığı, İraq Ticarət Palataları Federasiyasının dəstəyi ilə işgüzar əməkdaşlıq imkanlarına dair Azərbaycan-İraq Dəyirmi Masası keçirilib. Tədbirdə hər iki ölkədən rəsmi şəxslər, sənaye, kənd təsərrüfatı, qida, əczaçılıq, tikinti, turizm və logistika sahələrində fəaliyyət göstərən iş adamları iştirak ediblər.

Dəyirmi Masadakı çıxışında KOBİA-nın İdarə Heyətinin sədri Orxan Məmmədov Azərbaycan-İraq iqtisadi əməkdaşlığının inkişaf etdiyini, bu istiqamətdə xüsusilə kiçik və orta sahibkarların əməkdaşlığa cəlb edilməsi üçün geniş imkanların olduğunu vurğulayıb. Qeyd edilib ki, Agentlik Azərbaycan və İraq arasında işgüzar əməkdaşlığın genişləndirilməsi üçün birgə platformanın yaradılmasını dəstəkləməyə hazırdır. KOBİA-nın fəaliyyəti barədə məlumat verən Orxan Məmmədov Agentliyin ölkəmizdə biznes fəaliyyəti qurmaq istəyən İraq iş adamlarına müvafiq qurumlarla əlaqələndirmə, etibarlı yerli tərəfdaşların tapılması və digər istiqamətlərdə dəstək göstərə biləcəyini diqqətə çatdırıb, sahibkarları dəyirmi masa çərçivəsində fəal müzakirələrə dəvət edib.

İraq Ticarət Palataları Federasiyasının prezidenti Abdulrazaq Al-Zuhiri ölkəsinin Azərbaycana investisiya qoyuluşunda, yerli məhsullarımızın İraq bazarına çıxarılmasında, iş adamları arasında əlaqələrin genişləndirilməsində maraqlı olduğunu qeyd edib.

Azərbaycanda İxracın və İnvestisiyaların Təşviqi Fondunun (AZPROMO) rəhbəri vəzifəsini icra edən Yusif Abdullayev təmsil etdiyi qurumun fəaliyyəti, xarici tərəfdaşlarla əlaqələrin genişləndirilməsi istiqamətində AZPROMO tərəfindən görülən işlər barədə məlumat verib, işgüzar əməkdaşlığın inkişafında qarşılıqlı səfərlərin əhəmiyyətini vurğulayıb.

İraqın Azərbaycandakı Səfirliyinin müvəqqəti işlər vəkili Maki Ressan Al-Mamori və Azərbaycanın İraqdakı müvəqqəti işlər vəkili Nəsir Məmmədov ölkələrimiz arasında əlaqələrə dair məlumat verib, bu cür tədbirlərin iki ölkənin biznes dairələrinin əməkdaşlığının genişləndirilməsində əhəmiyyətli rol oynayacağını qeyd ediblər.

Azərbaycan və İraq iş adamları, sənaye parkları və biznes assosiasiyaların nümayəndələri fəaliyyətləri barədə məlumat verib, əməkdaşlıq imkanlarını diqqətə çatdırıblar.

Dəyirmi Masa çərçivəsində KOBİA və İraq Ticarət Palataları Federasiyası arasında qarşılıqlı əməkdaşlığa dair Anlaşma Memorandumu imzalanıb. Sənədi KOBİA-nın İdarə Heyətinin sədri Orxan Məmmədov və İraq Ticarət Palataları Federasiyasının prezidenti Abdulrazaq Al-Zuhiri imzalayıblar. Sənəddə KOB-ların dəstəklənməsinə dair təcrübə mübadiləsi, Azərbaycan və İraq KOB-ları arasında əlaqələrin qurulmasının təşviqi kimi məsələlər öz əksini tapıb.

Tədbir zamanı həmçinin, Azərbaycanın Ticarət və Sənaye Palatası və İraq Ticarət Palataları Federasiyası arasında əməkdaşlığa dair Saziş imzalanıb.

Qeyd edək ki, Bakıda səfərdə olan İraq Ticarət Palataları Federasiyasının nümayəndələri və sahibkarlar KOBİA-da və digər qurumlarda bir sıra görüşlər keçiriblər. KOBİA-nın İdarə Heyətinin sədri Orxan Məmmədov və İraq Ticarət Palataları Federasiyasının prezidenti Əbdülrəzəq Al-Zuhirinin rəhbərlik etdiyi nümayəndə heyəti arasında AZPROMO-nun prezidenti vəzifəsini icra edən Yusif Abdullayevin də iştirakı ilə keçirilmiş görüşdə sahibkarlıq sahəsində əməkdaşlıq imkanlarına dair fikir mübadiləsi aparılıb.

İraq nümayəndə heyəti səfər çərçivəsində Pirallahı Sənaye Parkı, Sumqayıt Texnologiyalar Parkı, eləcə də bir sıra sənaye müəssisələrində istehsal prosesi ilə də tanış olacaqlar.