KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

KOBİA “Ambisiyaların artırılması və fəaliyyətə təkan: COP29 Dayanıqlı Biznes Forumu”nda təmsil olunub KOB-lar “Caspian Agro” və “İnterFood Azerbaijan” sərgilərində məhsul və xidmətlərini təqdim edir Azərbaycanda ilk dəfə süni intellektlə işləyən reklam robotu hazırlanıb KOB subyektləri haqqında məlumatlar vahid reyestrdə toplanacaq “Bakı KOB evi”ndə “Heydər Əliyev - unudulmaz lider” adlı foto-xalça sərgisi keçirilib KOB Model Müəssisəsi istehsal prosesində məhsuldarlığı və səmərəliliyi artırır Ölkə sərhədlərini aşan startaplarımız KOBİA Türkiyənin DEİK təşkilatı, eləcə də SESRİC ilə sənədlər imzalayıb Fəaliyyət göstərdiyi ərazidən asılı olmayaraq sahibkarlar istənilən KOB evinin xidmətindən yararlana bilərmi? KOBİA Əbu-Dabidə keçirilən “AİM Congress”in müvafiq panelində təmsil olunub

Azərbaycan və Macarıstan KOB-larının birgə təşəbbüslər həyata keçirməsi üçün imkanlar genişdir 03.02.22

Bakıda Azərbaycan Respublikası Hökuməti və Macarıstan Hökuməti arasında iqtisadi əməkdaşlıq üzrə Birgə Komissiyanın 8-ci iclası və Azərbaycan-Macarıstan biznes forumu keçirilib. Tədbirlərdə hər iki ölkədən müvafiq dövlət qurumlarının nümayəndələri və iş adamları iştirak ediblər.

Birgə Komissiyanın iclasındakı çıxışında Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov hər iki ölkənin KOB-ları arasında əməkdaşlığın genişləndirilməsi üçün müxtəlif təkliflər səsləndirib. Qeyd olunub ki, ölkələrimizin KOB-ları arasında əlaqələrin inkişafı üçün müvafiq qurumlar və iş adamlarının iştirakı ilə intensiv qarşılıqlı səfərlər təşkil olunmalıdır. Azərbaycan-Macarıstan Biznes Şurası çərçivəsində hər iki ölkənin biznes ictimaiyyəti arasında sıx və birbaşa əlaqələr yaradıla bilər. KOBİA Macarıstan və Azərbaycan KOB-larının iştirakı ilə ölkəmizdə kənd təsərrüfatı, sənaye, İKT, xidmət, turizm və digər sahələrdə birgə müəssisələrin yaradılmasına dəstək göstərə bilər.

Biznes forumdakı çıxışında isə KOBİA sədri Azərbaycan və Macarıstanın biznes ictimaiyyətləri arasında əməkdaşlıq üçün geniş imkanların olduğunu vurğulayıb və Agentliyin fəaliyyəti barədə məlumat verib. Bildirilib ki, KOBİA ölkəmizdə biznes fəaliyyəti qurmaq istəyən xarici iş adamlarına, o cümlədən Macarıstandan olan sahibkarlara müvafiq qurumlarla əlaqələndirmə, etibarlı yerli tərəfdaşların tapılması və digər istiqamətlərdə dəstək göstərə bilər.