Bakı Ekspo Mərkəzində keçirilən Azərbaycan Beynəlxalq Kənd Təsərrüfatı (“Caspian Agro”) və 27-ci Azərbaycan Beynəlxalq Qida Sənayesi (“InterFood Azerbaijan”) sərgiləri çərçivəsində Balıq Festivalı təşkil olunub. Tədbir Azərbaycan və Türkiyənin müvafiq qurumlarının, o cümlədən KOBİA-nın dəstəyi ilə keçirilir. 

Festivaldakı çıxışında KOBİA-nın İdarə Heyətinin sədri Orxan Məmmədov balıqçılığın ərzaq təhlükəsizliyinin, məşğulluğun təmin edilməsində, ixracda və digər əlaqəli sektorların inkişafında rolunu qeyd edib. Bildirilib ki, Azərbaycanda kənd təsərrüfatı, meşə təsərrüfatı və balıqçılıq sektorunda üç mindən artıq KOB subyekti fəaliyyət göstərir. Müxtəlif sərgi və yarmarkalarda iştirak, satış bazarlarına çıxış, təlimlər, təcrübə mübadiləsi proqramları, infrastrukturun inkişafı, şəbəkələşmə və s. istiqamətlər üzrə kənd təsərrüfatı sektorunda biznes fəaliyyəti KOBİA tərəfindən təşviq edilir. Orxan Məmmədov tədbirin Türkiyənin balıqçılıq və balıq məhsulları sənayesindəki təcrübəsinin bölüşdürülməsi və biznes əlaqələrinin inkişafı baxımdan əlverişli imkan yaratdığını qeyd edib.

Powered by Froala Editor