Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq
Sahibkarların müraciətləri dinlənilib “KOB könüllüləri” proqramına maraq artmaqda davam edir Biznes tərəfdaşlığı proqramı çərçivəsində təlimlər keçirilir Bu ilin ötən dövründə 35 “Startap” şəhadətnaməsi verilib Vergi güzəştləri ilə böyüyən startaplar: “BillKill” və “OnWay” Qəbələ və İsmayıllı rayonlarında fəaliyyət göstərən sahibkarların nəzərinə! Biznesə xidmət sahəsində innovativ model kimi KOB evlərinə maraq artır “Qarabağ KOB-ları 2026” layihəsi üzrə daha 55 nəfər təlimlərə cəlb olunub Cari ilin I yarısında KOB evlərində sahibkarlara 312 mindən çox xidmət göstərilib ELAN
Beynəlxalq ixtisasartırma kursunun məzunları üçün seminar keçirilib 03.07.23
Beynəlxalq ixtisasartırma kursunun məzunları üçün seminar keçirilib

Almaniyada ixtisasartırma kursu keçmiş azərbaycanlı sahibkar və menecerlər “FollowUp” seminarında təəssüratlarını və təcrübələrini bölüşüblər.  

“Azərbaycanın biznes ictimaiyyətində menecerlərin ixtisasının artırılması üzrə Almaniya-Azərbaycan Birgə Proqramı” çərçivəsində 2020-ci və 2022-ci illərdə Münxen və Hamburq şəhərlərində yerləşən tədris mərkəzlərində ixtisasartırma kursu keçmiş məzunlar üçün “Bakı KOB evi”ndə effektivliyin qiymətləndirilməsinə dair “FollowUp” seminarı keçirilib. 

Almaniya-Azərbaycan Ticarət Palatasının (AHK), Kiçik və Orta Biznesin İnkişafı Agentliyinin (KOBİA), Almaniya Beynəlxalq Əməkdaşlıq Cəmiyyətinin (GİZ) və “DIBeratung GmbH” Tədris Mərkəzinin nümayəndələrinin iştirakı ilə keçirilən tədbirdə proqramın məzunları təəssüratlarını və təcrübələrini bölüşüblər. Seminarda həmçinin proqram iştirakçılarının uğur hekayələri təqdim edilib, məzunlara sertifikatlar verilib. 

Tədbir çərçivəsində alman mütəxəssislər və proqramın məzunları “Bakı Tikiş Evi”ndə istehsal prosesi ilə tanış olublar. 

Qeyd edək ki, “Azərbaycanın biznes ictimaiyyətində menecerlərin ixtisasının artırılması üzrə Almaniya-Azərbaycan Birgə Proqramı” ölkəmizdə 2009-cu ildən həyata keçirilir. Proqramın Azərbaycan üzrə əlaqələndiricisi KOBİA, Almaniya tərəfindən isə GİZ-dir. İndiyədək proqramdan 539 azərbaycanlı menecer və sahibkar yararlanıb. Onlar ixtisasartırma kursu müddətində öyrəndiklərini və qabaqcıl təcrübəni öz bizneslərində və çalışdıqları şirkətlərdə tətbiq etməklə iş prosesinə müsbət töhfə veriblər. Hazırda proqram çərçivəsində bir qrup azərbaycanlı sahibkar və menecer Almaniyanın Hamburq şəhərində ixtisasartırma kursu keçir.

Powered by Froala Editor