Hər bir layihəyə yalnız bir dəfə “Startap” şəhadətnaməsi verilir. Lakin bir şirkətə fərqli ideya və layihələr üzrə “Startap” şəhadətnamələri verilə bilər.
Qeyd edək ki, “Startap” şəhadətnaməsini alan mikro və kiçik sahibkarlıq subyektləri Azərbaycan Respublikasının Vergi Məcəlləsinə uyğun olaraq şəhadətnaməni aldıqları tarixdən innovasiya fəaliyyətindən əldə etdikləri gəlirlər üzrə mənfəət və gəlir vergisindən 3 il müddətinə azad edilir. “Startap” şəhadətnaməsi innovativ təşəbbüsə əsaslanan, rəqabətqabiliyyətli, bazarda yüksək tələb ilə qarşılanan, eləcə də digər startap məhsulu və ya xidməti ilə eynilik təşkil etməyən məhsul və xidmətlərə təqdim edilir. Mikro və kiçik sahibkarlar innovativ layihələrinə “Startap” şəhadətnaməsinin verilməsi üçün Kiçik və Orta Biznesin İnkişafı Agentliyinə müraciət edə bilərlər.
Powered by Froala Editor
