Avropa Birliyi tərəfindən 2022-ci ilə qədər qrant maliyyələşdirilməsi əsasında “EU4BCC (şirkətlərin əlaqələndirilməsi)" layihəsinin həyata keçirilməsi üzrə müsabiqə elan edilib. Layihənin məqsədi Avropa Birliyi ilə Avropa qonşuluq siyasəti ölkələrində fəaliyyət göstərən biznes subyektləri və biznesə dəstək göstərən təşkilatlar arasında əməkdaşlığın genişləndirilməsi, eləcə də kiçik və orta biznesin inkişafına yardım etməklə dayanıqlı iqtisadi inkişafın və iş yerlərinin yaradılmasının dəstəklənməsidir.
Sözügedən müsabiqədə Azərbaycanda bio-orqanik məhsullar, çaxır istehsalı, turizm, tekstil və yaradıcı sənaye sektorlarında fəaliyyət göstərən biznes assosiasiyaları və biznesə xidmət göstərən təşkilatlar iştirak edə bilərlər.
Müraciətlər üçün son tarix 30 aprel 2021-ci ildir.
Layihəyə qoşulmaq istəyən müvafiq biznes assosiasiyalar və biznesə xidmət göstərən təşkilatlar şərtlərlə tanış olmaq, qeydiyyat və ətraflı məlumat üçün https://connectingcompanies.eu/ saytına müraciət edə bilərlər.
Powered by Froala Editor
