KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

"Recepta" startapının uğur hekayəsi Atmosfer havasının mühafizəsi ilə bağlı sənaye və ictimai iaşə sahəsində fəaliyyət göstərən sahibkarlarla görüş keçirilib Şamaxı, Yardımlı və Qazaxda sahibkarlarla görüşlər keçirilib Sürücülər üçün yeni “Avto-SOS” mobil tətbiqi hazırlanıb 60-a yaxın KOB subyektinin məhsul və xidmətlərinin satışına dəstək göstərilib “Qarabağ KOB-ları” proqramı çərçivəsində Bərdədə təlimlər başlayır Qəbələ rayonunda arıçılarla görüş keçirilib “Bakı KOB evi”ndə yeni xidmət Sahibkarların müraciətləri dinlənilib Naxçıvanda fəaliyyət göstərən qadın sahibkarlarla görüş keçirilib

Daha 3 könüllü gənc KOBİA-da işlə təmin edildi 12.03.20

“Könüllülər ili”ndə daha 3 könüllü gənc Azərbaycan Respublikasının Kiçik və Orta Biznesin İnkişafı Agentliyində (KOBİA) işlə təmin olunub. “KOB könüllüsü” olmuş gənclər təhsillərinə, eləcə də könüllülük müddətində qazandıqları təcrübəyə uyğun olaraq, Agentliyin İnnovasiya, tədris və konsultinq, Hüquq və Maliyyə və təchizat departamentlərində əmək fəaliyyətinə başlayıblar.

Hazırda KOBİA-da ümumilikdə 40 gənc könüllü kimi fəaliyyət göstərir ki, onlardan 12-si Agentliyin baş ofisində, 28-i isə ölkənin 20 şəhər və rayonundakı “KOB Dostu” ofislərində könüllü fəaliyyətinə cəlb olunublar.

“KOB könüllüləri” bu ilin fevralında fəaliyyətə başlamış və sahibkarlara 300-ə yaxın dövlət-biznes və zəruri biznes-biznes xidmətlərinin vahid məkanda təqdim edildiyi Xaçmaz KOB evində də fəaliyyət göstərirlər.

Məlumat üçün qeyd edək ki, gənclərin bilik və bacarıqlarının, dünyagörüşünün artırılması, peşəkar əmək fəaliyyətinə başlayanadək onlara əmək vərdişlərinin aşılanması, eləcə də sahibkarlara dəstək məqsədilə KOBİA-da 2018-ci ildən “KOB Könüllüləri” Proqramı həyata keçirilir. İndiyədək 150-yə yaxın gənc bu proqrama qoşularaq KOBİA-da və onun regional bölmələrində könüllü olaraq fəaliyyət göstərib. Proqrama qoşulmaq və Agentlikdə könüllü kimi fəaliyyət göstərmək istəyən gənclər KOBİA-nın www.smb.gov.az saytındakı “KOB könüllüsü ol” bölməsində qeydiyyatdan keçə, proqram barədə ətraflı məlumat əldə edə bilərlər.