KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

Yerli bizneslər ESG və “yaşıl gündəliyə” hazır olmaq üçün nə etməlidir? Mindən çox KOB subyekti, startap və biznesə başlamaq istəyən şəxsə sahibkarlıq sahəsində təlim və məsləhət xidməti göstərilib “Startap” şəhadətnaməsi kimlərə verilir? Bursa Ticarət və Sənaye Palatasının nümayəndələri ilə görüş keçirilib Daha 10 KOB subyektinə “Startap” şəhadətnaməsi verilib KOB-lar üçün yaşıl iqlim maliyyələşdirilməsinə dair iki günlük seminar keçirilib “Qarabağ KOB-ları 2024” proqramına başlanıb Şəkidə keçiriləcək “KOB FEST” sərgi-satış yarmarkasında məhsul və xidmətlərini təqdim etmək istəyən KOB-ların nəzərinə! Ekoloji, sosial və idarəetmə prinsiplərinə ümumi baxış və trendlər Milli Yaylaq Festivalı çərçivəsində “KOB FEST” sərgi-satış yarmarkası keçirilir

Dövlət-özəl tərəfdaşlığı (Public-Private Partnership) üzrə SOURCE proqramından istifadə imkanları təqdim olunub 12.09.19

Azərbaycan Respublikasının Kiçik və Orta Biznesin İnkişafı Agentliyində (KOBİA) beynəlxalq maliyyə təşkilatları tərəfindən dövlət-özəl tərəfdaşlığı mexanizmi üzrə keyfiyyətli infrastruktur layihələrinin hazırlanmasında və həyata keçirilməsində qlobal platforma hesab edilən “SOURCE” proqramının təqdimatı keçirilib.

İsveçrənin Dayanıqlı İnfrastruktur Fondu tərəfindən idarə edilən “SOURCE” platforması hazırda dünyanın 51 ölkəsində dövlət-özəl tərəfdaşlığı mexanizmi üzrə 284 infrastruktur layihəsinin icrasında istifadə olunur. Platforma dünyanın əsas beynəlxalq maliyyə təşkilatlarının məlumat bazaları ilə onlayn əlaqə yaradaraq, ölkələrə birbaşa xarici investisiyaların cəlb edilməsi istiqamətində investorlarla səmərəli əməkdaşlıq imkanı yaradır. Bu platforma həmçinin, dövlət-özəl tərəfdaşlığı çərçivəsində ölkədə potensial benefisiar təşkilatların layihələrinin mərkəzləşdirilmiş məlumat bazasının formalaşdırılmasına köməklik göstərir.

Asiya İnkişaf Bankının dəstəyilə təşkil edilmiş təqdimatda Dayanıqlı İnfrastruktur Fondunun proqram meneceri Sedrik van Riel platformanın istifadə imkanlarını diqqətə çatdırıb, proqramdan ölkəmizdə də istifadə olunmasına dair hərtərəfli əməkdaşlığa hazır olduqlarını bildirib.

Qeyd edək ki, KOBİA-nın strukturunda Dövlət-Sahibkar Tərəfdaşlığının İnkişafı Mərkəzi fəaliyyətə başlayıb. Mərkəzin əsas fəaliyyət istiqamətləri sırasına dövlət-özəl tərəfdaşlığı üzrə proqram və layihələrin hazırlanması, həyata keçirilməsi və müvafiq benefisiar qurumlarla səmərəli əlaqələndirilməsi, belə layihələrdə kiçik və orta biznesin iştirakının genişləndirilməsi, layihələrin maliyyələşdirilməsi üzrə investorların cəlb edilməsi işinə dəstək göstərilməsi, eləcə də bu sahədə dövlət qurumları da daxil olmaqla bütün maraqlı tərəflərin maarifləndirilməsi və onların bilik və bacarıqlarının artırılmasıdır.