KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

Fermerlərə dəstəklə bağlı tədbir keçirilib “Heydər Əliyev və özəl tibb sektoru” mövzusunda tədbir keçirilib KOB subyektlərinin layihələrinin maliyyələşdirilməsi üçün elan edilmiş 4-cü qrant müsabiqəsinin nəticələri açıqlandı Biznes layihələr və ideyalar bir platformada - www.invest.smb.gov.az KOBİA tərəfindən növbəti ictimai müzakirə təşkil olunub Azərbaycan startapı dünyanın nüfuzlu təhsil layihələri yarışmasında Yerli şirkətlərin halal məhsulları İstanbulda keçirilən “Halal Ekspo” sərgisində nümayiş olunur Gəncədə sahibkarlarla görüş keçirilib “Bakı KOB evi”ndə sahibkarlara daha çox xidmət göstərən qurumlar məlum oldu Yevlax və Şərurda sahibkarlarla görüşlər keçirilib

Ekoloji, sosial və korporativ idarəetmə standartları üzrə alt-qrupunun iclası keçirilib 24.01.23

Yanvarın 23-də Biznes mühiti və beynəlxalq reytinqlər üzrə Komissiyanın Korporativ idarəetmə, investisiyalar, investorların maraqlarının qorunması, biznes etikası və korporativ sosial məsuliyyət İşçi Qrupunun Ekoloji, sosial və korporativ idarəetmə (ESG) standartları üzrə alt-qrupunun iclası keçirilib.

Onlayn formatda təşkil olunmuş iclasda İqtisadiyyat, Ekologiya və Təbii Sərvətlər, Əmək və Əhalinin Sosial Müdafiəsi, Energetika nazirliklərinin, Mərkəzi Bankın, Azərbaycan İnvestisiya Holdinqinin, Sahibkarlığın İnkişafı Fondunun, Dövlət Vergi Xidmətinin, Azərbaycan İnvestisiya Şirkətinin, Azərbaycan Sənaye Korporasiyasının, Dövlət Neft Şirkətinin, Azərbaycan Standartlaşdırma İnstitutunun, Azərbaycandakı Amerika Ticarət Palatasının (AMCHAM), eləcə də bir sıra şirkətlərin nümayəndələri iştirak ediblər.

İclasda 2023-cü il ərzində Ekoloji, sosial və korporativ idarəetmə (ESG) standartları üzrə alt-qrupun fəaliyyətinin effektiv təşkili və qarşıda duran vəzifələrin icrası, eləcə də ESG prinsiplərinin tətbiqinin stimullaşdırılması və təşviqi üzrə 2023-cü il üçün Yol Xəritəsində nəzərdə tutulan tədbirlərin vaxtında və məqbul səviyyədə həyata keçirilməsi ilə bağlı müzakirələr aparılıb və müvafiq təqdimat dinlənilib. İclas çərçivəsində, həmçinin, iştirakçıların sualları cavablandırılıb, işlərin komanda halında təşkili və qrup üzvləri arasında kommunikasiyanın operativ aparılması ilə bağlı müvafiq tövsiyələr verilib.