KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

Şəkidə keçirilən “KOB FEST” sərgi-satış yarmarkasında 70-dən çox KOB subyektinin məhsul və xidmətləri sərgilənir Sahibkarların iştirakı ilə ətraf mühiti idarəetmə sistemlərinə dair tədbir keçirilib Sahibkarların mikro, kiçik, orta və ya iri sahibkar kimi müəyyənləşdirilməsi üçün hansı meyar əsas götürülür? Bu ilin birinci yarısında KOB evlərində sahibkarlara 200 mindən çox xidmət göstərilib KOBİA nümayəndələrinin İspaniyaya səfəri çərçivəsində bir sıra görüşlər keçirilib Yerli bizneslər ESG və “yaşıl gündəliyə” hazır olmaq üçün nə etməlidir? Mindən çox KOB subyekti, startap və biznesə başlamaq istəyən şəxsə sahibkarlıq sahəsində təlim və məsləhət xidməti göstərilib “Startap” şəhadətnaməsi kimlərə verilir? Bursa Ticarət və Sənaye Palatasının nümayəndələri ilə görüş keçirilib Daha 10 KOB subyektinə “Startap” şəhadətnaməsi verilib

“Enactus regionlarda” layihəsinə Gəncə şəhərindən start verilib 21.06.21

Azərbaycan Respublikasının Gənclər Fondu, Kiçik və Orta Biznesin İnkişafı Agentliyi (KOBİA), Azərbaycan Tələbə Gənclər Təşkilatları İttifaqı, “Gənclərin Maarifləndirilməsinə Dəstək” İctimai Birliyi və “Enactus Azərbaycan”ın birgə tərəfdaşlığı ilə “Enactus regionlarda” layihəsinə start verilib.

Qeyd edək ki, “Enactus regionlarda” layihəsi çərçivəsində Azərbaycanın fərqli bölgələrinə səfərlər edilərək burada yaşayan gənclərin sahibkarlıq sahəsində bilik və bacarıqlarının artırılmasına dəstək göstəriləcək.

Layihə çərçivəsində ilk təlimlər 17-18 iyun tarixlərində Gəncə şəhərində təşkil olunub. Azərbaycan Dövlət Aqrar Universitetində (ADAU) keçirilən təlimlərdə tələbələrə sahibkarlıq vərdişlərinin inkişafının əhəmiyyəti və bu istiqamətdə dövlət tərəfindən görülən işlər barədə məlumat verilib. KOBİA-nın Gəncə KOB İnkişaf Mərkəzinin direktoru Rəvan Cəfərli “Biznesin vergi və hüquqi aspektləri”, layihənin koordinatoru Rəşad Zeynalov “Sahibkarlığın əsasları və Enactus”, ADAU-nun nümayəndələri “Canvas biznes modeli” və “Karyera və şəxsi inkişaf”, biotexnologiyalar üzrə mütəxəssis Elgün Mahmudov “Təqdimat və nitq mədəniyyəti” mövzularında çıxış ediblər.

Təlimlərdə aktiv iştirak edən ADAU-nun tələbəsi Nərmin Babayeva: “Təlimlər şəxsi inkişafım, gələcək sahibkarlıq fəaliyyətim üçün faydalı oldu. Belə təlimlərin daha geniş auditoriyalar qarşısında davamlı olaraq təşkil olunmasını istərdim. Bu cür təlimlər sayəsində bəlkə də yüzlərlə gənc ideyalarını təkmilləşdirərək əsaslı bir biznesə çevirə bilər. Bu fürsəti gənclərə yaratdığı üçün təşkilatçılara minnətdarlığımı bildirirəm”.