Avropa İttifaqının Avropa Qonşuluq Aləti çərçivəsində maliyyələşdirilən, İqtisadiyyat Nazirliyinin və Kiçik və Orta Biznesin İnkişafı Agentliyinin (KOBİA) benefisiarı olduğu “Ənənəvi qida məhsullarının təkmilləşdirilmiş təşviqi və marketinqi” texniki yardım layihəsinin icrası davam edir.
Layihənin məqsədi ənənəvi kənd təsərrüfatı və qida məhsullarının satışını artırmaqla kənd yerlərində iqtisadi inkişafa töhfə verəcək məlumatlı, bazaryönümlü və rəqabətqabiliyyətli kiçik və orta aqrobiznes sektorunun inkişafının dəstəklənməsidir.
Layihə çərçivəsində İqtisadiyyat və Kənd Təsərrüfatı nazirliklərinin, Qida Təhlükəsizlik Agentliyinin, Əqli Mülkiyyət Agentliyinin, İnnovasiyalar Agentliyinin, Standartlaşdırma İnstitutunun və layihənin ekspertlərinin iştirakı ilə növbəti tədbir keçirilib. Tədbirdə KOBİA-nın nümayəndəsi “Ənənəvi qida məhsullarının keyfiyyət sxemləri və sertifikatlaşdırma ilə bağlı sahibkarların problemləri, məhdudiyyətlər və mövcud vəziyyət” mövzusunda təqdimatla çıxış edib.
Powered by Froala Editor
