KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

Şəkidə keçirilən “KOB FEST” sərgi-satış yarmarkasında 70-dən çox KOB subyektinin məhsul və xidmətləri sərgilənir Sahibkarların iştirakı ilə ətraf mühiti idarəetmə sistemlərinə dair tədbir keçirilib Sahibkarların mikro, kiçik, orta və ya iri sahibkar kimi müəyyənləşdirilməsi üçün hansı meyar əsas götürülür? Bu ilin birinci yarısında KOB evlərində sahibkarlara 200 mindən çox xidmət göstərilib KOBİA nümayəndələrinin İspaniyaya səfəri çərçivəsində bir sıra görüşlər keçirilib Yerli bizneslər ESG və “yaşıl gündəliyə” hazır olmaq üçün nə etməlidir? Mindən çox KOB subyekti, startap və biznesə başlamaq istəyən şəxsə sahibkarlıq sahəsində təlim və məsləhət xidməti göstərilib “Startap” şəhadətnaməsi kimlərə verilir? Bursa Ticarət və Sənaye Palatasının nümayəndələri ilə görüş keçirilib Daha 10 KOB subyektinə “Startap” şəhadətnaməsi verilib

Forum çərçivəsində KOBİA bir sıra görüşlər keçirib 05.06.21

2-5 iyun tarixlərində Sankt-Peterburq şəhərində keçirilən 24-cü Sankt-Peterburq Beynəlxalq İqtisadi Forumu çərçivəsində Azərbaycan Respublikasının Kiçik və Orta Biznesin İnkişafı Agentliyi (KOBİA) KOB sahəsində əməkdaşlığın genişləndirilməsinə dair bir sıra görüşlər keçirib.

KOBİA-nın İdarə Heyətinin sədri Orxan Məmmədov və Rusiya Federasiyasının Ticarət və Sənaye Palatasının vitse-prezidenti Vladimir Padalko arasında keçirilmiş görüşdə Azərbaycan və Rusiya KOB-ları arasında birbaşa əlaqələrin qurulmasına, KOB inkişaf mərkəzlərində Rusiyadan olan mütəxəssislərin iştirakı ilə seminarların və təhsil kurslarının təşkilinə, sahibkarlıq sahəsində milli müsabiqələrin təşkili üzrə təcrübə mübadiləsinə, məlumat və məsləhət xidmətləri üzrə əməkdaşlığa dair müzakirələr aparılıb.

Sankt-Peterburq Qubernatorunun yanında Kiçik Sahibkarlığın İnkişafına dair İctimai Şuranın sədri Yelena Tsereteli ilə görüşdə KOBİA-nın şura ilə əməkdaşlıqda maraqlı olduğu diqqətə çatdırılıb, KOB-lara xidmətlərin göstərilməsi sahəsində təcrübə mübadiləsinə və birgə əməkdaşlığın digər istiqamətlərinə dair müzakirələr aparılıb.

“Roseksimbank” ASC-nin rəhbəri Azər Talıbovla keçirilmiş görüşdə KOB-ların maliyyə resurslarına çıxış imkanlarının genişləndirilməsi sahəsində əməkdaşlıq perspektivləri, o cümlədən bankın təklif etdiyi maliyyə alətlərinə maraq göstərən Azərbaycan KOB-larının məlumatlandırılması imkanları müzakirə edilib.

KOBİA-nın İdarə Heyətinin sədri Orxan Məmmədov ilə Tatarıstan Respublikasının “Maşınqayırma klasteri”nin rəhbəri Sergey Mayorov və "Sahibkarlıq fabriki" layihəsinin rəhbəri Aydar Bulatov arasındakı görüşdə bizneslərin rəqabət üstünlüyünün reallaşması baxımından klasterlərin tətbiqi, KOB-ların sahəvi ixtisaslaşmasının dərinləşdirilməsi və biznes düşüncə tərzinin təşviqi sahəsində fikir mübadiləsi aparılıb.