KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

Masallıda “KOB FEST” sərgi-satış yarmarkası keçiriləcək Startaplara dəstək üçün dövlət və özəl sektor əməkdaşlığı çərçivəsində yeni layihəyə start verilib "KOB könüllüləri" proqramına daha 54 gənc qoşulub "Recepta" startapının uğur hekayəsi Atmosfer havasının mühafizəsi ilə bağlı sənaye və ictimai iaşə sahəsində fəaliyyət göstərən sahibkarlarla görüş keçirilib Şamaxı, Yardımlı və Qazaxda sahibkarlarla görüşlər keçirilib Sürücülər üçün yeni “Avto-SOS” mobil tətbiqi hazırlanıb 60-a yaxın KOB subyektinin məhsul və xidmətlərinin satışına dəstək göstərilib “Qarabağ KOB-ları” proqramı çərçivəsində Bərdədə təlimlər başlayır Qəbələ rayonunda arıçılarla görüş keçirilib

Gəncədə ənənəvi qida məhsullarının təbliği ilə bağlı tədbir keçirilib 05.03.22

Martın 5-də Gəncə şəhərində Avropa İttifaqı tərəfindən maliyyələşdirilən və İqtisadiyyat Nazirliyinin benefisiarı olduğu “Ənənəvi qida məhsullarının təkmilləşdırilmiş təşviqi və marketinqi” texniki yardım layihəsi çərçivəsində tədbirlər təşkil olunub.

Azərbaycan Dövlət Aqrar Universitetində keçirilmiş ənənəvi qida məhsulları, bəslənmə və sağlam qidalanma ilə bağlı seminarda universitetin rektoru İbrahim Cəfərov layihənin əhəmiyyəti barədə danışıb. Avropa İttifaqının Azərbaycandakı səfiri Peter Mixalko layihənin ənənəvi yerli istehsal olan kənd təsərrüfatı və ərzaq məhsullarının yerli və xarici bazarlarda təşviqinə dəstək məqsədilə həyata keçirildiyini bildirib.

Layihə çərçivəsində İqtisadiyyat və Təhsil nazirlikləri ilə birgə, İqtisadiyyat Nazirliyinin tabeliyində Kiçik və Orta Biznesin İnkişafı Agentıiyinin iştirakı ilə hazırlanmış “Azərbaycanın ənənəvi qida məhsulları, bəslənmə və sağlam qidalanma” kurrikulumu tədbir iştirakçılarına təqdim edilib.

Sonra Gəncə Regional Turizm İnformasiya Mərkəzi ilə əməkdaşlıq çərçivəsində "Gəncəsənət" İncəsənət və Sənətkarlıq Yarmarkası ilə birgə tədbir təşkil olunub. Gəncə Dövlət Filarmoniyasının Urban Mərkəzində keçirilmiş tədbirdə ənənəvi qida irsi barədə ətraflı məlumat verilib, Gəncə və ətraf regionlarda fəaliyyət göstərən kiçik qida istehsalçılarının məhsulları təqdim edilib. Mədəni proqramla müşayiət olunan tədbir zamanı qonaqlara yerli məhsullarımız, milli mətbəximiz və “Torpaqdan süfrəyə və ənənəvi qida məhsulları” konsepti barədə məlumat verilib.

Qeyd edək ki, “Ənənəvi qida məhsullarının təkmilləşdırilmiş təşviqi və marketinqi” texniki yardım layihəsi 2019-cu ilin may ayından etibarən Avropa İttifaqı və İqtisadiyyat Nazirliyi tərəfindən həyata keçirilir. Layihə Bakı şəhərini, eləcə də Gəncə-Daşkəsən, Qazax-Tovuz, Quba-Xaçmaz, Mərkəzi Aran, Mil-Muğan və Şirvan-Salyan iqtisadi rayonlarını əhatə edir.