KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

KOBİA və Somali Federativ Respublikasının nümayəndələri arasında görüş keçirilib Keniya nümayəndə heyəti “Bakı KOB evi”nin fəaliyyəti ilə tanış olub Ekoloji, sosial və korporativ idarəetmə standartları üzrə alt-qrupun növbəti iclası keçirilib Qazaxıstanın tələbə və magistrları “Bakı KOB evi”ndə olublar “Startap” şəhadətnaməsi hansı meyarlar əsasında verilir? – MƏLUMATLANDIRMA KOBİA “Caspian Investment Forum Bishkek 2024” tədbirində iştirak edib Bu ilin birinci rübündə 16 KOB subyektinə “Startap” şəhadətnaməsi verilib Dövlət-sahibkar əməkdaşlığı platforması çərçivəsində sahibkarlarla görüşlər davam edir Kənd təsərrüfatı və qida sektorunda fəaliyyət göstərən KOB subyektlərinin nəzərinə! KOBİA nümayəndə heyəti İzmirdə səfərdə olub

Həştərxan vilayətində ulu öndər Heydər Əliyevin 100 illik yubileyinə həsr olunmuş konfrans keçirilib 08.05.23

“Azərbaycan Respublikası ilə Rusiya Federasiyasının Həştərxan vilayəti arasında ticarət-iqtisadi və humanitar əməkdaşlıq: mövcud vəziyyət və perspektivlər” mövzusunda konfransda ölkələrimiz arasında kiçik və orta biznesin dəstəklənməsi sahəsində əməkdaşlıq perspektivləri barədə də məlumat verilib.

Azərbaycan nümayəndə heyəti Rusiya Federasiyasının Həştərxan vilayətinə səfəri çərçivəsində ulu öndər Heydər Əliyevin 100 illik yubileyinə həsr olunmuş “Azərbaycan Respublikası ilə Rusiya Federasiyasının Həştərxan vilayəti arasında ticarət-iqtisadi və humanitar əməkdaşlıq: mövcud vəziyyət və perspektivlər” mövzusunda konfransda iştirak edib.

Hər iki ölkədən rəsmi şəxslərin və iş adamlarının iştirak etdiyi tədbirdə Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov ölkəmizdə sahibkarlıq ənənələrinin bərpasında və inkişafında ulu öndər Heydər Əliyevin misilsiz xidmətləri barədə məlumat verərək, hazırda bu siyasətin Azərbaycan Respublikasının Prezidenti cənab İlham Əliyev tərəfindən uğurla davam etdirildiyini vurğulayıb.

Azərbaycan Respublikası ilə Həştərxan vilayəti arasında kiçik və orta biznesin dəstəklənməsi sahəsində əməkdaşlıq imkanları, Agentliyin dəstək və xidmətləri barədə məlumat verən KOBİA sədri qeyd edib ki, Agentlik Rusiya sahibkarlarının yerli biznes tərəfdaşlarla əlaqələndirilməsi istiqamətində də dəstək göstərə bilər. Potensial investisiya layihələri ilə bağlı məlumat mübadiləsi, perspektiv sahələrdə birgə müəssisələrin yaradılması, iş adamları arasında birbaşa əlaqə yaratmaq üçün sərgilərdə qarşılıqlı iştirak, işgüzar missiyaların təşkili, institusional əməkdaşlığın davamlı inkişafı hər iki ölkənin KOB subyektləri arasında əlaqələrin genişləndirilməsi baxımından əhəmiyyətli olacaqdır.