KOBİA

Biz Azərbaycanın sosial-iqtisadi inkişafını bilavasitə sahibkarlıqla, onun inkişafı ilə bağlayırıq

Ekoloji, sosial və korporativ idarəetmə standartları üzrə alt-qrupun növbəti iclası keçirilib Qazaxıstanın tələbə və magistrları “Bakı KOB evi”ndə olublar “Startap” şəhadətnaməsi hansı meyarlar əsasında verilir? – MƏLUMATLANDIRMA KOBİA “Caspian Investment Forum Bishkek 2024” tədbirində iştirak edib Bu ilin birinci rübündə 16 KOB subyektinə “Startap” şəhadətnaməsi verilib Dövlət-sahibkar əməkdaşlığı platforması çərçivəsində sahibkarlarla görüşlər davam edir Kənd təsərrüfatı və qida sektorunda fəaliyyət göstərən KOB subyektlərinin nəzərinə! KOBİA nümayəndə heyəti İzmirdə səfərdə olub Tatarıstan nümayəndə heyəti “Bakı KOB evi”ndə olub Qəbələdə özünüməşğulluq proqramına qoşulmuş vətəndaşlarla görüş keçirilib

İdxal-ixrac əməliyyatları ilə bağlı sahibkarlarla görüş keçirilib 28.08.21

Kiçik və Orta Biznesin İnkişafı Agentliyinin (KOBİA) təşkilatçılığı ilə idxal-ixrac əməliyyatları ilə məşğul olan sahibkarlarla görüş keçirilib.

Bakı şəhərində fəaliyyət göstərən sahibkarların iştirakı ilə təşkil olunmuş görüşdə Dövlət Gömrük Komitəsi, İqtisadiyyat Nazirliyinin Sahibkarlığın İnkişafı Fondu, Azərbaycanda İxracın və İnvestisiyaların Təşviqi Fondunun (AZPROMO) və “Marsol” MMC-nin nümayəndələri də iştirak ediblər.

Dövlət-sahibkar əməkdaşlığı platforması çərçivəsində keçirilmiş görüşdə sahibkarlar idxal-ixrac əməliyytaları, o cümlədən gömrük rəsmiləşdirməsi, malların, xüsusilə də qida məhsullarının saxlanılması, malların ekspertizası zamanı qarşılaşdıqları çətinliklər barədə məlumat verib, gömrük rüsumlarına və idxal prosedurlarına dair müxtəlif təkliflər səsləndiriblər. Görüşdə iştirak edən müvafiq qurumların nümayəndələri tərəfindən sahibkarları maraqlandıran suallar cavablandırılıb.

Qeyd edək ki, KOBİA-nın Dövlət Gömrük Komitəsinin Bakı Baş Gömrük İdarəsində də KOB dostu ofisi fəaliyyət göstərir. Gömrük xidmətlərindən istifadə edən mikro, kiçik və orta sahibkarlar KOB dostuna müraciət etməklə idxal-ixrac əməliyyatları, gömrük rəsmiləşdirilməsi və prosedurları ilə bağlı informasiya, məsləhət, hüquqi yardım, əlaqələndirmə və s. xidmətlərdən istifadə edə bilər. KOB dostu həmçinin, KOB-ların müvafiq sahə ilə bağlı müraciətlərinin KOBİA-nın və Dövlət Gömrük Komitəsinin iştirakı ilə dövlət-sahibkar əməkdaşlığı çərçivəsində operativ həll olunmasına dəstək olur.