![“İşçi heyətinin idarə edilməsinin əsasları” mövzusunda təlim keçirilib](https://smb.gov.az/storage/7105/05.09.2022-(1)-(00000002).jpeg)
Kiçik və Orta Biznesin İnkişafı Agentliyinin (KOBİA) Bakı KOB İnkişaf Mərkəzi (KOBİM) tərəfindən KOB subyektləri üçün təlimlərin təşkili davam edir.
Sentyabrın 5-də Bakı KOBİM tərəfindən sahibkarlar üçün “İşçi heyətinin idarə edilməsinin əsasları” mövzusunda növbəti təlim keçirilib.
9 KOB subyektinin iştirak etdiyi təlimdə Bakı KOBİM-in eksperti tərəfindən işçilərin motivasiyası, işçilərə tapşırıqların verilməsi, biznesin idarəetmə strukturu, təşkilatı planın hazırlanması, vaxtın idarə olunması, biznes ünsiyyət və etik davranış qaydaları barədə ətraflı məlumat verilib. Eyni zamanda iştirakçılarla mövzu ətrafında müzakirələr aparılıb, onları maraqlandıran suallar cavablandırılıb.
Qeyd edək ki, KOBİM-lər tərəfindən göstərilən bütün xidmətlər ödənişsizdir.
Powered by Froala Editor